Ajinkya Rahane| करीअर संकटात सापडल्यानंतर रहाणे आणि पुजाराची बॅट तळपली
मागच्यावर्षी इंग्लंड विरुद्ध लॉडर्सवर दोघांनी शतकी भागीदारी केली होती. त्यावेळी भारत जिंकला होता. योगायोग म्हणजे लॉडर्स कसोटीतही भारतीय संघ पहिल्या डावात इंग्लंडपेक्षा 27 धावांनी पिछाडीवर होता.
जोहान्सबर्ग: भारताचा मधल्या फळीतील फलंदाज अजिंक्य रहाणे (Ajinkya rahane) आणि चेतेश्वर पुजारासाठी (Cheteshwar pujara) आज ‘करो या मरो’ची स्थिती होती. दक्षिण आफ्रिका दौऱ्याला सुरुवात झाल्यापासून दोघांच्या फॉर्मबद्दल सातत्याने प्रश्नचिन्ह उपस्थित करण्यात येत होते. आतापर्यंत अनेकदा संधी देऊनही अपेक्षित कामगिरी होत नसल्याने त्यांना संघातून हटवण्याच्या मागणीने जोर धरला होता. जोहान्सबर्ग कसोटीचा तिसरा दिवस आहे. आजच्या दिवसाचा खेळ भारतासाठी महत्त्वाचा आहे. कालच्या दोन बाद 85 वरुन डाव पुढे सुरु केल्यानंतर दोघांनी शानदार अर्धशतक झळकावली. (india vs south africa Johannesburg Wanderers Stadium cheteshwar pujara ajinkya rahane half century)
मोक्याच्या क्षणी दोघांनी 111 धावांची भागीदारी काल खेळपट्टीवर आल्यापासून दोघांच्या फलंदाजीत आत्मविश्वास दिसत होता. तो आजही कायम होता. रहाणेने (58) तर पुजाराने (53) धावांची खेळी केली. दोन कसोटीच्या चार डावात दोघांनी फलंदाजी केली. चौथ्या डावात त्यांनी थोडाफार लौकीकाला साजेसा खेळ केला. त्यांनी झळकावलेले अर्धशतक संघाच्या विजयात महत्त्वपूर्ण ठरले, तर त्यांना पुढे संधी मिळू शकते. आताच काही सांगता येणार नाही. पण मोक्याच्या क्षणी दोघांनी 111 धावांची भागीदारी केली.
संघाला शतकी खेळीची अपेक्षा होती सकारात्मक फलंदाजी करताना दोघांनी वेगाने धावा जमवल्या. 61 चेंडूत पहिली अर्धशतकी भागीदारी पूर्ण केली. पुजाराने 62 चेंडूत अर्धशतक झळकावले, तर रहाणे 67 चेंडूत 50 धावा केल्या. खरंतर दोघांकडूनही आज संघाला शतकी खेळीची अपेक्षा होती. कारण हे दोघे बाद झाल्यानंतर पुन्हा एकदा भारताचा डाव गडगडला आहे.
That’s Lunch on Day 3 of the 2nd #SAvIND Test!
103 runs for #TeamIndia in the first session 4 wickets for South Africa
We will be back for the second session shortly.
Scorecard ▶️ https://t.co/b3aaGXmBg9 pic.twitter.com/BDUIS1oqxJ
— BCCI (@BCCI) January 5, 2022
दोघांच्या शतकी भागीदारीनंतर भारत जिंकतो या दोघांच्या शतकी भागीदाराची एक चांगला रेकॉर्ड आहे. या दोघांनी टेस्ट क्रिकेटमध्ये आतापर्यत सहा शतकी भागीदाऱ्या केल्या आहेत. सहाही वेळा भारताचा विजय झाला आहे. त्यामुळे यावेळी सुद्धा असचं घडो, अशी क्रिकेटप्रेमींची इच्छा असेल. आशियाच्या बाहेर दोघांनी दुसऱ्यांदा शतकी भागीदारी केली आहे. मागच्यावर्षी इंग्लंड विरुद्ध लॉडर्सवर दोघांनी शतकी भागीदारी केली होती. त्यावेळी भारत जिंकला होता. योगायोग म्हणजे लॉडर्स कसोटीतही भारतीय संघ पहिल्या डावात इंग्लंडपेक्षा 27 धावांनी पिछाडीवर होता. जोहान्सबर्ग कसोटीतही आता अशीच स्थिती आहे.
संबंधित बातम्या:
Sourav ganguly: सौरव गांगुलीनंतर आता त्याची मुलगी सनाही कोरोना पॉझिटिव्ह IPL 2022: ‘नाम के हकदार पेहेले आप’, आयपीएलमध्ये लखनऊ संघाच्या बाबतीत पहिल्यांदाच असं घडणार AUSvsENG : स्टुअर्ट ब्रॉडचा भरमैदानात गंगनम स्टाईल डान्स, व्हिडीओ पाहिलात का?
