INDW vs NEDW Playing XI : टीम इंडियाकडून विजयी सुरुवातीनंतरही प्लेइंग ईलेव्हनमध्ये बदल, कुणाला डच्चू?
ICC Womens T20 World Cup India vs Netherlands In Marathi Playing XI : विजयानंतर दुसऱ्या सामन्यात प्लेइंग ईलेव्हनमध्ये बदल केला जात नाही. मात्र भारतीय संघाने प्लेइंग ईलेव्हनमध्ये बदल केला आहे. जाणून घ्या कुणाला संधी देण्यात आली आहे.
वुमन्स टीम इंडियाने आयसीसी टी 20I वर्ल्ड कप 2026 स्पर्धेत विजयी सुरुवात केली. भारतीय संघांने 14 जूनला पाकिस्तानचा धुव्वा उडवून वर्ल्ड कप मोहिमेची सुरुवात विजयाने केली. स्मृती मंधाना आणि दीप्ती शर्मा या दोघींनी भारताला पाकिस्तान विरुद्ध विजय मिळवून देण्यात प्रमुख भूमिका बजावली. त्यानंतर आज 17 जून रोजी टीम इंडियासमोर आपल्या मोहिमेतील दुसऱ्या सामन्यात नेदरलँड्सचं आव्हान आहे. स्पर्धेतील या दहाव्या सामन्याचं आयोजन हे हेडिंग्ले लीड्समध्ये करण्यात आलं आहे. सामन्याला भारतीय वेळेनुसार 7 वाजता सुरुवात होणार आहे. त्याआधी 6 वाजून 30 मिनिटांनी टॉस झाला. नेदरलँड्सच्या बाजूने टॉसचा कॉल लागला. कॅप्टन बॅबेट डी लीडे हीने फिल्डिंगचा निर्णय घेतला आहे. त्यामुळे भारताला या सामन्यात मोठी धावसंख्या उभारण्याची संधी आहे. महिला ब्रिगेड किती धावा करणार? याकडे चाहत्यांचं लक्ष असणार आहे.
प्लेइंग ईलेव्हनमध्ये बदल
विजयी संघाच्या प्लेइंग ईलेव्हनमध्ये बदल केला जात नाही, असा अलिखित नियम आहे. त्यामुळे साधारणपणे विजयानंतर क्वचितप्रसंगी बदल केला जातो. टीम इंडियाने पाकिस्तान विरूद्ध विजय मिळवल्यानंतरही तुलनेत नवख्या आणि लिंबुटुंब असलेल्या नेदरलँड्स विरूद्धच्या सामन्यासाठी प्लेइंग ईलेव्हनमध्ये बदल केला आहे. अरुंधती रेड्डी हीला विश्रांती देण्यात आली आहे.
अरुंधती रेड्डी हीच्या जागी प्लेइंग ईलेव्हनमध्ये नंदनी शर्मा हीचा समावेश करण्यात आला आहे. तर दुसऱ्या बाजूला नेदरलँड्सनेही 1 बदल केला आहे. नेदलँड्सचा या मोहिमेतील पहिल्या सामन्यात बांगलादेश विरुद्ध पराभव झाला होता. त्यामुळे नेदरलँड्ससमोर टीम इंडिया विरूद्धच्या या सामन्यात सलग दुसरा पराभव टाळण्याचं आव्हान असणार आहे.
नेदरलँड्सचा टॉस जिंकून चेजिंगचा निर्णय
🚨 Toss 🚨
Netherlands have won the toss and elected to bowl at Headingley.
Updates ▶️ https://t.co/FMkrKB1zcS#TeamIndia | #T20WorldCup | #WomenInBlue | #INDvNED pic.twitter.com/4sbIovGLfd
— BCCI Women (@BCCIWomen) June 17, 2026
वुमन्स टीम इंडिया प्लेइंग ईलेव्हन : शफाली वर्मा, स्मृती मंधाना, यास्तिका भाटिया, जेमिमाह रॉड्रिग्स, हरमनप्रीत कौर (कर्णधार), ऋचा घोष (विकेटकीपर), दीप्ती शर्मा, श्रेयंका पाटील, श्री चरणी, क्रांती गौड आणि नंदनी शर्मा.
नेदरलँड्स वुमन्स टीम प्लेइंग ईलेव्हन : हेदर सीजर्स, फेबे मोल्केनबोअर, बॅबेट डी लीडे (कर्णधार आणि विकेटकीपर), स्टेरे कॅलिस, रॉबिन रिजके, फ्रेडरिक ओव्हरडाइक, आयरिस झविलिंग, मिर्थे व्हॅन डेन रॅड, कॅरोलिन डी लँगे, सिल्व्हर सीजर्स आणि इसाबेल वोनिंग.
