RCB vs RR 2021, Virat Kohli | कोहलीचा भीमप्रराक्रम, आयपीएलमध्ये ‘विराट’ कामगिरी करणारा पहिलाच फलंदाज

आयपीएलच्या 14 व्या (IPL 2021) मोसमातील 16 व्या सामन्यात बंगळुरुचा कर्णधार (Virat Kohli) विराट कोहलीने 6 हजार (6 Thousand Runs In IPL) धावांचा टप्पा पार केला आहे.

  • टीव्ही 9 मराठी डिजीटल टीम
  • Published On - 23:44 PM, 22 Apr 2021
RCB vs RR 2021, Virat Kohli | कोहलीचा भीमप्रराक्रम, आयपीएलमध्ये 'विराट' कामगिरी करणारा पहिलाच फलंदाज
आयपीएलच्या 14 व्या (IPL 2021) मोसमातील 16 व्या सामन्यात बंगळुरुचा कर्णधार (Virat Kohli) विराट कोहलीने 6 हजार (6 Thousand Runs In IPL) धावांचा टप्पा पार केला आहे.

मुंबई : रॉयल चॅलेंजर्स बंगळुरुने (Royal Challengers Banglore) राजस्थान रॉयल्सवर (Rajasthan Royals) 10 विकेट्सने अफलातून विजय मिळवला आहे. राजस्थानने बंगळुरुला विजयासाठी 178 धावांचे आव्हान दिले होते. हे विजयी आव्हान बंगळुरने एकही विकेट न गमावता 16.3 ओव्हरमध्ये पूर्ण केलं. बंगळुरुकडून देवदत्त पडीक्कलने (Devdutt Padikkal) सर्वाधिक 101 धावांची नाबाद खेळी केली. तसेच कर्णधार विराट कोहलीने (Virat Kohli) नाबाद 72 धावांची अर्धशतकी खेळी केली. या खेळीसह कोहलीने विराट पराक्रम केला आहे. विराट आयपीएलच्या इतिहासात अशी कामगिरी करणारा एकमेव फलंदाज ठरला आहे. (ipl 2021 rcb vs rr royal challengers banglore captain virat kohli become first batsman who complete 6 thousand runs)

काय आहे पराक्रम?

विराट कोहलीने आयपीएलमध्ये 6 हजार धावांचा टप्पा पूर्ण केला आहे. विराट आयपीएलमध्ये अशी कामगिरी करणारा पहिलाच फलंदाज ठरला आहे. विराटला या सामन्याआधी 51 धावांची आवश्यकता होती. विराटने आधी 34 चेंडूत अर्धशतक झळकावलं. हे अर्धशतक त्याच्या आयपीएल कारकिर्दीतील 40 वं अर्धशतक ठरलं. अर्धशतकानंतर विराटला 6 हजार धावांसाठी अवघ्या 1 धावेची आवश्यकता होती. तेव्हा विराटने चौकार खेचला. यासह विराटने 6 हजार धावा पूर्ण केल्या.

आयपीएलमध्ये सर्वाधिक धावा करणारे फलंदाज

या कामगिरीसह विराट आयपीएलमध्ये सर्वाधिक धावा करणारा फलंदाज ठरला आहे. विराटच्या नावे आता 196 सामन्यांमध्ये 6 हजार 21 धावा झाल्या आहेत. विराटनंतर या यादीत चेन्नईच्या ‘मिस्टर आयपीएल’ सुरेश रैना दुसऱ्या क्रमांकावर आहे. रैनाने 5 हजार 448 धावा चोपल्या आहेत. तिसऱ्या क्रमांकावर ‘गब्बर’ शिखर धवन आहे. चौथ्या क्रमांकावर सनरायजर्स हैदराबादचा कर्णधार डेव्हिड वॉर्नर आहे. तर पाचव्या क्रमांकावर मुंबई इंडिन्सचा कर्णधार ‘हिटमॅन’ रोहित शर्मा आहे.

संबंधित बातम्या :

RCB vs RR : देवदत्त पडीक्कलचे अफलातून शतक, ठरला तिसरा युवा फलंदाज

RCB vs RR, IPL 2021 Match 16 Result | देवदत्त पडीक्कलचे शतक, विराटची शानदार खेळी, बंगळुरुचा विजयी ‘चौकार’, राजस्थानवर 10 विकेट्सने मात

VIDEO | मला टॉस जिंकण्याची सवय नाही, त्यामुळे गडबड झाली, टॉसदरम्यान विराट कोहलीचा गोंधळ

(ipl 2021 rcb vs rr royal challengers banglore captain virat kohli become first batsman who complete 6 thousand runs)