IPL 2022 मधून KKR OUT झाल्यानंतर Shreyas Iyer घरी आला, बहिणी सोबत डान्स केला, पहा VIDEO
IPL 2022: श्रेयसने छोट्या बहिणीसोबत मिळून एक इंटरेस्टिंग रील बनवली आहे. दोघे भाऊ-बहिण या रीलमध्ये 'My Money Don't Jiggle, Jiggle' या गाण्यावर डान्स करताना दिसतात.
मुंबई: दोन वेळच्या चॅम्पियन कोलकाता नाइट रायडर्सला यंदाच्या सीजनमध्ये चमकदार कामगिरी करता आली नाही. श्रेयस अय्यरच्या (Shreyas Iyer) नेतृत्वाखाली खेळणाऱ्या KKR ने 14 पैकी फक्त सहा सामन्यात विजय मिळवला. त्यामुळे प्लेऑफमध्ये त्यांना स्थान मिळवता आलं नाही. टीम IPL प्लेऑफच्या शर्यतीतून बाहेर गेल्यानंतर श्रेयस अय्यरही घरी पोहोचला आहे. घरी पोहोचल्यानंतर श्रेयसने स्वत:ला मानसिक दृष्टया रिफ्रेश करण्याकडे लक्ष दिले आहे. घरी आल्यानंतर श्रेयसने छोट्या बहिणीसोबत मिळून एक इंटरेस्टिंग रील बनवली आहे. दोघे भाऊ-बहिण या रीलमध्ये ‘My Money Don’t Jiggle, Jiggle’ या गाण्यावर डान्स करताना दिसतात. आयपीएल 2022 च्या मेगा ऑक्शनमध्ये केकेआरने श्रेयस अय्यरला 12.25 कोटी रुपये मोजून विकत घेतलं होतं.
यंदाच्या सीजनमध्ये श्रेयसने किती धावा केल्या?
श्रेयसने आयपीएल 2022 मध्ये 14 सामन्यात 30.84 च्या सरासरीने 401 धावा केल्या. यात तीन अर्धशतकं आहेत. श्रेयस अय्यर मागच्या सीजनमध्ये दिल्ली कॅपिटल्सकडून खेळायचा.
श्रेयस 101 सामने खेळला
श्रेयस अय्यरच्या नेतृत्वाखाली दिल्ली कॅपिटल्स 2020 साली पहिल्यांदा आयपीएलच्या फायनलमध्ये पोहोचली होती. 27 वर्षांचा श्रेयस आतापर्यंत आयपीएलचे 101 सामने खेळला आहे. 31.25 ची सरासरी 125.38 च्या स्ट्राइक रेटने 2776 धावा केल्या आहेत. आयपीएल करीयरमध्ये त्याने आतापर्यंत 19 हाफ सेंच्युरी झळकवल्या आहेत. श्रेयस अय्यर टीम इंडियासाठी 4 कसोटी, 26 वनडे आणि 36 टी 20 इंटरनॅशनल सामने खेळला आहे.
View this post on Instagram
सोशल मीडियावर श्रेष्ठा Active
श्रेयस अय्यरची बहिण श्रेष्ठा अय्यर सोशल मीडियावर खासकरुन इन्स्टाग्रावर मोठ्या प्रमाणात Active आहे. श्रेष्ठा बऱ्याचदा तिचे डान्स व्हिडिओ आणि रील्स पोस्ट करत असते. श्रेयस आणि श्रेष्ठा दोघेही सोशल मीडियावर परस्परांचे थ्रो बॅक आणि लेटेस्ट फोटोज पोस्ट करत असतात.
