IPL 2024, DC vs RR : संजू सॅमसन आऊट की नॉट आऊट? व्हिडीओ पाहून तुम्हीच ठरवा काय ते
आयपीएल 2024 स्पर्धेच्या 56 व्या सामन्यात दिल्ली कॅपिटल्सने राजस्थान रॉयल्सला 20 धावांनी पराभूत केलं. या विजयासह दिल्ली कॅपिटल्स गुणतालिकेत पाचव्या स्थानी झेप घेतली आहे. दुसरीकडे, संजू सॅमसनच्या विकेटमुळे वाद रंगला आहे. ाता व्हिडीओ पाहून तुम्हीच ठरवा काय ते
आयपीएल 2024 स्पर्धेत पंचांच्या निर्णयावरून सोशल मीडियावर वादाची ठिणगी पडली आहे. त्यात आता संजू सॅमसनच्या विकेटची भर पडली आहे. संजू सॅमसन आऊट की नॉट आऊट यावरून सोशल मीडियावर वाद सुरु आहे. कोणी म्हणतं आऊट, तर कोणी म्हणतं खराब पंचगिरीचा नमुना..पण सामन्यात संजू सॅमसनला तिसऱ्या पंचांनी व्हिडीओ वेगवेगळ्या अँगलने पाहून बाद दिलं. पण त्यावर विश्वास न बसल्याने संजू सॅमसनने पंचांशी मैदानात वाद घातला. तसेच रिव्ह्यू घेण्याचा प्रयत्न केला. मात्र तिथपर्यंत सर्व काही जाहीर झालं होतं. त्यामुळे संजू सॅमसनला निराश होत बाहेर पडावं लागलं. आता संजू सॅमसन आऊट होता की नाही याबाबत मतमतांतरं आहेत. त्यामुळे कोणीही खरं काय ते सांगू शकतं. पंचांचा निर्णय अंतिम मानून बाद हेच आता जाहीर आहे. पण संजू सॅमसनचे फॅन्स काही मानायला तयार नाही. झेल पकडल्याचा व्हिडीओ शेअर करत आपली मतं मांडत आहेत. काही जणांनी शाई होपचा पाय सीमेला टेकल्याचं दाखवलं आहे. त्यामुळे हा वाद काही लवकर शमणारा दिसत नाही.
दिल्ली कॅपिटल्सने विजयासाठी 20 षटकात 222 धावांचं आव्हान दिलंह होतं. 11 षटकात दिल्लीने 3 गडी गमवले होते. संजू सॅमसन आणि शुभम दुबे हे फलंदाजी करत होते. संजू सॅमसन धावा आणि चेंडूचं गणित करत होता. धावांचं अंतर वाढत असताना त्याने आक्रमक पवित्रा घेतला. 15.3 षटकात 162 धावा होत्या. तसेच 27 चेंडूत 60 धावांची आवश्यकता होती. मुकेश कुमार गोलंदाजी करत होता. चौथ्या चेंडूवर संजूने जोरदार फटका मारला. हा चेंडू थेट शाई होपच्या हाती गेला. मात्र सीमेवर त्याने पकडलेला झेल वादातीत ठरला. अखेर संजू सॅमसनची खेळी 86 धावांवर संपुष्टात आली. मात्र यानंतर संजू सॅमसन नाराज दिसला.
I saw the cushion move. It was not out and Sanju Samson misses out on a well deserved hundred. #RRvsDC #DCvsRR#SanjuSamson pic.twitter.com/f2lrWJ5TDl
— Nirmal Jyothi (@majornirmal) May 7, 2024
The level of umpiring is utter nonsense in IPL!!
Feeling for Sanju Samson.
This was a clear Six! #DCvsRR pic.twitter.com/reSPAd0ia9
— Ctrl C Ctrl Memes (@Ctrlmemes_) May 7, 2024
How TF is this out???? Clearly his toe is touching the boundary. Wtf is this umpiring ???? Fuckersss The biggest tournament in the world and they do this??? #SanjuSamson pic.twitter.com/MNGy9rTA95
— Horror Folk Tales (@SachinS2164679Y) May 7, 2024
दोन्ही संघांची प्लेइंग 11
राजस्थान रॉयल्स (प्लेइंग इलेव्हन): यशस्वी जयस्वाल, संजू सॅमसन (विकेटकीपर/ कर्णधार), रियान पराग, डोनोवन फरेरा, रोवमन पॉवेल, शुभम दुबे, रविचंद्रन अश्विन, ट्रेंट बोल्ट, आवेश खान, संदीप शर्मा, युझवेंद्र चहल.
दिल्ली कॅपिटल्स (प्लेइंग इलेव्हन): जेक फ्रेझर-मॅकगर्क, अभिषेक पोरेल, शाई होप, ऋषभ पंत (विकेटकीपर/कर्णधार), ट्रिस्टन स्टब्स, गुलबदिन नायब, अक्षर पटेल, कुलदीप यादव, मुकेश कुमार, इशांत शर्मा, खलील अहमद
