MI vs LSG : रोहित-रिकेल्टनचा झंझावात, मुंबईचा वानखेडेत जबरदस्त विजय, लखनौचा 6 विकेट्सने धुव्वा
Mumbai Indians vs Lucknow Super Giants IPL 2026, Match Result : मुंबई इंडियन्सने लखनौ सुपर जायंट्स विरुद्ध आयपीएल इतिहासातील आपल्या सर्वोच्च धावसंख्येचा यशस्वीरित्या पाठलाग केला. यासह या 19 व्या मोसमात 200 पेक्षा अधिक धावांचा यशस्वी पाठलाग करण्याची ही 12 वी वेळ ठरली.
Rohit Sharma and Ryan Rickelton
Image Credit source: Bcci
रोहित शर्मा आणि रायन रिकेल्टन या सलामी जोडीने केलेल्या शतकी भागीदारीच्या जोरावर मुंबई इंडियन्सने आयपीएल स्पर्धेच्या 19 व्या मोसमातील 47 व्या सामन्यात लखनौ सुपर जायंट्सवर 4 मे रोजी 6 विकेट्सने विजय मिळवला आहे. निकोलस पूरन याने केलेल्या वादळी खेळीच्या जोरावर लखनौने मुंबईसमोर 229 धावांचं आव्हान ठेवलं होतं. मुंबईने हे आव्हान 8 बॉलआधी 4 विकेट्सच्या मोबदल्यात सहज पूर्ण केलं. मुंबईने 18.4 ओव्हरमध्ये 229 धावा केल्या. मुंबईचा हा या मोसमातील वानखेडे स्टेडियममधील दुसरा तर एकूण तिसरा विजय ठरला. तर लखनौ पुन्हा एकदा अपयशी ठरली.
Follow Us
