RR vs SRH : इशानच्या खेळीसमोर वैभवचं शतक व्यर्थ, हैदराबादचा सलग चौथा विजय, राजस्थानचा 5 विकेट्सने धुव्वा

सनरायजर्स हैदराबादने आयपीएल स्पर्धेच्या 19 व्या मोसमात (IPL 2026) शनिवारी 25 एप्रिलला डबल हेडरमधील दुसऱ्या आणि एकूण 36 व्या सामन्यात होम टीम राजस्थान रॉयल्सवर 5 विकेट्सने विजय मिळवला आहे. वैभव सूर्यवंशी याने केलेल्या शतकी खेळीच्या जोरावर राजस्थान रॉयल्सने सनरायजर्स हैदराबादसमोर 229 धावांचं आव्हान ठेवलं होतं. मात्र इशान किशन याची चाबूक खेळीने वैभवच्या शतकापेक्षा सरस ठरली. इशानने केलेल्या खेळीच्या जोरावर हैदराबादने विजयी आव्हान 5 विकेट्स राखून 9 बॉलआधी पूर्ण केलं. हैदराबादने 18.3 ओव्हरमध्ये 5 विकेट्सच्या मोबदल्यात 229 धावा केल्या. हैदराबादचा हा एकूण पाचवा तर पॅट कमिन्स याच्या नेतृत्वातील पहिला विजय ठरला. हैदराबाद यासह पाचवा सामना जिंकणारी या मोसामतील चौथी टीम ठरली. तर राजस्थान रॉयल्सचा हा एकूण तिसरा पराभव ठरला.