SRH vs RR : कॅप्टन इशान किशनचा तडाखा, राजस्थानसमोर 217 रन्सचं टार्गेट, हैदराबाद सलग पाचव्या विजयापासून रोखणार?
Sunrisers Hyderabad vs Rajasthan Royals 1st Innings : सनरायजर्स हैदराबादने पुन्हा एकदा 19 व्या मोसमात (IPL 2026) द्विशतक झळकावलं आहे. हैदराबादने राजीव गांधी स्टेडियमध्ये राजस्थानसमोर 217 रन्सचं टार्गेट ठेवलं आहे.
सनरायजर्स हैदराबादने आयपीएल स्पर्धेच्या 19 व्या मोसमातील (IPL 2026) 21 व्या सामन्यात सलग 4 सामने जिंकणाऱ्या राजस्थान रॉयल्ससमोर 217 धावांचं आव्हान ठेवलं आहे. एसआरएचने कॅप्टन इशान किशन याच्या वादळी खेळीच्या जोरावर हैदराबादमधील राजीव गांधी स्टेडियममध्ये 20 षटकांत 6 विकेट्स गमावून 216 रन्स केल्या. इशानने हैदराबादसाठी सर्वाधिक धावा केल्या. तसेच हेन्रिक क्लासेन याने 150 च्या स्ट्राईक रेटने धावा केल्या. तर नितीश कुमार रेड्डी आणि सलील अरोरा या दोघांनी अखेरच्या क्षणी महत्त्वपूर्ण खेळी करुन हैदराबादला 200 पार पोहचवण्यात प्रमुख योगदान दिलं. त्यामुळे आता हैदराबाद घरच्या मैदानात सामना जिंकणार की राजस्थान विजयी पंच लगावणार हे पाहणं महत्त्वाचं ठरणार आहे.
प्रफुल्ल हिंगे चमकला, राजस्थानला 2 ओव्हरमध्ये 4 झटके
हैदराबादच्या गोलंदाजांनी 217 रन्सचा पाठलाग करणाऱ्या राजस्थान रॉयल्सला पहिल्याच 2 ओव्हरमध्ये बॅकफुटवर टाकलं. हैदराबादने पहिल्या 2 ओव्हरमध्ये 4 झटके दिले. विदर्भाच्या प्रफुल हिंगे याने त्याच्या पहिल्याच ओव्हरमध्ये 3 विकेट्स मिळवल्या. तर साकीब हुसेन याने 1 विकेट मिळवली. त्यामुळे राजस्थानची 4 आऊट 4 रन्स अशी स्थिती झाली आहे. त्यामुळे राजस्थान इथून कमबॅक करत पाचवा विजय मिळवण्यात यशस्वी ठरणार का? हे थोड्याच वेळात स्पष्ट होईल.
सनरायजर्स हैदराबादची बॅटिंग
राजस्थानने टॉस जिंकून हैदराबादला बॅटिंगसाठी भाग पाडलं. जोफ्रा आर्चरने अभिषेक शर्मा याला पहिल्याच बॉलवर आऊट करत हैदराबादला मोठा झटका दिला. ट्रेव्हीस हेड याने टी 20 मध्ये वनडे स्टाईल 100 च्या स्ट्राईक रेटने 18 रन्स केल्या. त्यानंतर इशान किशन आणि हेन्रिक क्लासेन या दोघांनी तिसऱ्या विकेटसाठी फक्त 39 बॉलमध्ये 88 रन्सची पार्टनरशीप केली. इशान किशन याला शतक करण्याची संधी होती. मात्र संदीप शर्मा याने इशानला आऊट केलं. इशान नर्व्हस नाईंटीचा शिकार झाला. इशानने 44 बॉलमध्ये 6 सिक्स आणि 8 फोरसह 91 रन्स केल्या. हेनरिक क्लासेन याने 26 चेंडूत 40 धावा जोडल्या.
लाईव्ह स्कोअरकार्ड
तसेच नितीश कुमार रेड्डी आणि सलील अरोरा या दोघांनी निर्णायक खेळी साकारली. नितीशने 13 बॉलमध्ये 28 रन्स केल्या. तर सलीलने 13 चेंडूत नाबाद 24 धावा केल्या. राजस्थानसाठी जोफ्रा आर्चर याने 2 विकेट्स मिळवल्या. तर संदीप शर्मा, तुषार देशपांडे आणि रियान पराग या तिघांनी प्रत्येकी 1-1 विकेट मिळवली.
