IPL 2023 Cheerleaders : ‘लाइन मारते, हँडसम मुलगा कधी…’ भर स्टेडियममध्ये चिअरलीडर्सचा छळ, VIDEO Viral
IPL 2023 Cheerleaders : स्टेडियममध्ये प्रेक्षकांकडून चिअरलीडर्सबद्दल कशी अभद्र भाषा वापरली जाते, त्याचा व्हिडिओ सोशल मीडियावर व्हायरल झाला आहे. हा कामाच्या ठिकाणी छळाचाच प्रकार आहे.
जयपूर : आयपीएल सध्या क्रिकेट बरोबरच वादांमुळे गाजत आहे. मागच्या आठवड्याच्या सुरुवातील विराट कोहली आणि गौतम गंभीरमध्ये मैदानातच जोरदार भांडण झालं. भारतीय क्रिकेटसाठी ही चांगली गोष्ट नव्हती. काल राजस्थान रॉयल्स आणि सनरायजर्स हैदराबादमध्ये जयपूरमध्ये सामना झाला. या मॅचमध्ये अब्दुल समदने लास्ट बॉलवर सिक्स मारुन हैदराबादला विजय मिळवून दिला. हा सामना हैदराबादने राजस्थानावर लास्ट बॉलवर मिळवलेल्या विजयामुळे लक्षात राहीलच.
पण त्याचबरोबर राजस्थान आणि SRH च्या चिअरलीडर्सचा छळ झाला. त्याबद्दलही लक्षात राहील. मैदानावर आलेल्या काही बेशिस्त प्रेक्षकांनी चिअरलीडर्स बद्दल अभद्र भाषेचा वापर केला. या प्रकाराचा व्हिडिओ सोशल मीडियावर व्हायरल झाला आहे.
‘स्टेडियममधून बाहेर हाकलून द्या’
हा व्हिडिओ व्हायरल झाल्यानंतर सोशल मीडियावर त्याची तीव्र प्रतिक्रिया उमटली आहे. नेटीझन्सनी अशी भाषा करणाऱ्या प्रेक्षकाला तात्काळ स्टेडियममधून बाहेर हाकलून द्या, अशी मागणी केली आहे. आयपीएलमध्ये या चिअरलीडर्स रंगत भरतात. प्रत्येक फोर, सिक्स नंतर ते त्यांच नृत्य कौशल्य दाखवतात. आयपीएलला ग्लॅमर आणण्यात या चिअर लीडर्सचा महत्वाचा रोल आहे.
‘ही कनसेप्ट आयपीएलमध्ये बंद करा’
चिअरलीडर्स ही कनसेप्ट आयपीएलमध्ये बंद करावी अशी काही जणांनी मागणी केली आहे. आयपीएलमध्ये चिअरलीडर्सचा छळ होण्याची ही पहिली वेळ नाहीय. मागच्या सीजनमध्ये काही खेळाडू सुद्धा यात सहभागी होते. कोविड 19 मुळे चिअरलीडर्सवर बंदी होती. नियम शिथिल झाल्यानंतर पुन्हा दोन वर्षांनी आयपीएलमध्ये चिअरलीडर्स दिसतायत.
— Out Of Context Cricket (@GemsOfCricket) May 7, 2023
राजस्थान रॉयल्स आणि सनरायजर्स हैदराबादमध्ये काल आयपीएलमधला रोमांचक सामना झाला. राजस्थानने शेवटच्या चेंडूवर सामना गमावला. या सामन्याचा निकाल दीर्घकाळ प्रेक्षकांच्या लक्षात राहिल. राजस्थानने विजयासाठी दिलेलं 215 धावांच टार्गेट हैदराबादने शेवटच्या चेंडूवर सिक्स मारुन पार केलं. लास्ट बॉलवर सिक्स मारणारा अब्दुल समद हैदराबादच्या विजयाचा हिरो ठरला.
