Unsold ठरलेल्या अमित मिश्राला दिल्ली कॅपिटल्सचे मालक म्हणाले, ‘तू तर…’
IPL 2022 Auction: IPL : 2022 च्या महा लिलावात या लीगचे (IPL 2022 Mega Auction) दिग्गज मानले जाणारे अनेक खेळाडू होते आणि त्यांनी स्वत:ला याआधीच सिद्ध केलं आहे. पण या हंगामात त्यांना एकही खरेदीदार मिळाला नाही. असेच एक नाव आहे अमित मिश्रा (Amit Mishra).
मुंबई : IPL-2022 च्या महा लिलावात या लीगचे (IPL 2022 Mega Auction) दिग्गज मानले जाणारे अनेक खेळाडू होते आणि त्यांनी स्वत:ला याआधीच सिद्ध केलं आहे. पण या हंगामात त्यांना एकही खरेदीदार मिळाला नाही. असेच एक नाव आहे अमित मिश्रा (Amit Mishra). भारताचा अनुभवी फिरकीटू अमित मिश्रा आतापर्यंत दिल्ली कॅपिटल्स संघाचा एक महत्त्वाचा भाग होता आणि सतत योगदान देत होता परंतु मिशी भाई म्हणून प्रसिद्ध असलेला हा खेळाडू यावेळी आयपीएलमध्ये विकला गेला नाही. यानंतर दिल्ली कॅपिटल्सचे मालक पार्थ जिंदाल (Parth Jindal) यांनी ट्विटरवर त्याची आठवण काढली आणि म्हणाले की, मिशी भाई दिल्ली कॅपिटल्स ही टीम कायम तुमचीच असेल. यावेळी अमित मिश्राने त्याची बेस प्राईस 1.5 कोटी रुपये ठेवली होती. मात्र हा खेळाडू कोणीही खरेदी केला नाही.
अमित मिश्राने आयपीएलमध्ये 154 सामने खेळले आहेत आणि त्यात 166 विकेट घेतल्या आहेत. आयपीएलमध्ये सर्वाधिक बळी घेणाऱ्या गोलंदाजांच्या यादीत तो तिसऱ्या क्रमांकावर आहे.
अमित मिश्रा परत आला तर आम्हाला आनंद होईल असे पार्थ जिंदाल यांनी म्हटले आहे. पार्थ यांनी ट्विट करून आपल्या भावना व्यक्त केल्या आहेत. “आयपीएलमधल्या महान खेळाडूंपैकी एक अमित, तू गेल्या काही वर्षांत जे काही केलं आहेस त्याबद्दल आम्ही तुला सलाम करतो. तू आमच्यासाठी खूप मौल्यवान आहेस, त्यामुळे तुझ्यासाठी योग्य असलेल्या कोणत्याही भूमिकेत तुला आमच्या संघात पुन्हा सहभागी करून घेण्यास आम्हाला आनंद होईल. मिशी भाई दिल्ली कॅपिटल्स ही कायम तुमची टीम आहे.
आयपीएलमध्ये सर्वाधिक हॅटट्रिक
अमित मिश्राच्या नावावर आयपीएलमध्ये सर्वाधिक हॅट्ट्रिक्स आहेत. त्याने आतापर्यंत तीन हॅटट्रिक घेतल्या आहेत. त्याने आयपीएलच्या पहिल्या सत्रात त्याने हॅटट्रिक घेतली होती. त्यानंतर तो दिल्ली डेअरडेव्हिल्सकडून (आता दिल्ली कॅपिटल्स) खेळत होता. यानंतर 2011 मध्ये डेक्कन चार्जेसमध्ये असताना त्याने हॅटट्रिक घेतली. 2013 मध्येही त्याने हॅट्ट्रिक केली होती. यावेळी तो सनरायझर्स हैदराबादसोबत होता. त्याने आयपीएलमध्ये चार वेळा चार विकेट घेतल्या आहेत. 27 एप्रिल 2021 रोजी त्याने रॉयल चॅलेंजर्स बंगलोरसाठी शेवटचा सामना खेळला. या सामन्यात त्याने तीन षटके टाकली आणि 27 धावांत एक विकेट घेतली.
To one of the @IPL greats @MishiAmit we @DelhiCapitals would like to salute everything you have done for us over all these years and would love to have you back at DC in whatever capacity you see fit as your insights would be most valuable. Mishy bhai DC is yours for life
— Parth Jindal (@ParthJindal11) February 13, 2022
इतर बातम्या
खेळाडूंची किंमत वाढवतो, पण घेत तर नाही! कोणंय हा, जो खाली करतोय प्रतिस्पर्ध्यांची कोटींची पर्स?
