आमचा इतिहास माहिती आहे ना…! मुंबई इंडियन्सच्या खेळाडूने थेट पाकिस्तानला दिला इशारा

आयपीएल 2026 स्पर्धेची तयारी पूर्ण झाली आहे. दुसरीकडे पाकिस्तान सुपर लीग स्पर्धेच्या तयारी अजूनही अर्धवट राहिली आहे. मोक्याच्या क्षणी खेळाडू पाठ फिरवताना दिसत आहेत. त्यामुळे धावाधाव सुरू आहे. असं असताना पाकिस्तानच्या कुरापती काही केल्या कमी होताना दिसत नाही. शेजारी असलेल्या अफगाणिस्तानवर हल्ले चढवून निष्पाप लोकांचा बळी घेतला जात आहे. पाकिस्तानच्या एअरफोर्सने अफगाणिस्तानची राजधानी असलेल्या काबुलमधील एक रूग्णालयावर बॉम्ब टाकले. यामुळे 400हून अधिक लोकांना मृत्यू झाला आहे. त्यामुळे पाकिस्तानच्या या कृतीचा निषेध व्यक्त केला जात आहे. पाकिस्तानच्या या कृतीनंतर अफगाणिस्तान सरकार आणि क्रिकेटपटू यांच्या तळपायाची आग मस्तकात गेली आहे. राशिद खान, रहमनुल्लाह गुरबाज यासारख्या अफगाणिस्तानच्या दिग्गज खेळाडूंनी टीकेची झोड उठवली आहे. दुसरीकडे, युवा खेळाडूही मागे नाही. मुंबई इंडियन्सकडून आयपीएलमध्ये खेळणाऱ्या अफगाणिस्तानचा फिरकीपटू अल्लाह गजनफर याने थेट पाकिस्तानला इशारा दिला आहे.

फिरकीपटू अल्लाह गजनफर याने सांगितलं की, संपूर्ण जगाला अफगाणिस्तानचा इतिहास माहिती आहे. न्यूज 18 दिलेल्या मुलाखतीत अल्लाह गजनफर म्हणाला की, ‘अफगाणिस्तानच्या त्या गरीब लोकांकडे उपचार करण्यासाठी पैसे नव्हते. पाकिस्तानने अशा जागी हल्ला करत आहे. अफगाणिस्तानचे लोकं हे कधीच सहन करणार नाहीत. मला माहिती की पाकिस्तान असं करून काय सिद्ध करून दाखवत आहे. ते सामन्य लोकांवर हल्ला करत आहेत.’ दुसरीकडे, पाकिस्तानला इशारा देत स्पष्ट केलं की, सर्वांना अफगाणिस्तानचा इतिहास माहिती आहे. इतिहासाची पुनरावृत्ती झाली तर पाकिस्तानसाठी खूपच वाईट असेल.

गजनफर पहिल्यांदाच आयपीएल खेळणार

आयपीएल 2026 स्पर्धेपूर्वी झालेल्या लिलावात मुंबई इंडियन्सने अल्लाह गजनफर याच्यासाठी बोली लावली आणि संघात घेतलं. त्याच्या फिरकीची संपूर्ण जगात चर्चा आहे. एक मिस्ट्री गोलंदाज म्हणून त्याची ओळख आहे. त्याचं वय सध्या 19 वर्षे असून 14 वनडे सामन्यात 23 ठआणि 5 टी20 सामन्यात 2 विकेट घेतल्या आहेत. त्याचा इकोनॉमी रेट फक्त 6 धावा प्रति षटक आहे. अल्लाह गजनफर याने एकूण 63 टी20 सामने खेळले असून 77 विकेट घेतल्या आहेत. त्याने आयएलटी20, टी20 ब्लास्ट आणि सीपीएल स्पर्धेत भाग घेतला होता.