MI vs RCB Live Score Updates, IPL 2026: मुंबईच्या बॅटिंगला सुरुवात, रोहित-रिकेल्टन मैदानात, मुंबईसमोर 241 रन्सचं टार्गेट

मुंबई इंडियन्सच्या बॅटिंगला सुुरुवात झाली आहे. मुंबईकडून रोहित शर्मा आणि रायन रिकेल्टन ही सलामी जोडी मैदानात खेळत आहे. आरसीबीने मुंबईसमोर 241 धावांचं आव्हान ठेवलं आहे.

रॉयल चॅलेंजर्स बंगळुरुने मुंबई इंडियन्स विरुद्ध वानखेडे स्टेडियममध्ये 4 विकेट्स गमावून 20 ओव्हरमध्ये 240 रन्स केल्या आहेत.  आरसीबीसाठी फिलीप सॉल्ट, विराट कोहली आणि कॅप्टन रजत पाटीदार या तिघांनी अर्धशतकी खेळी केली. तर कॅमरुन ग्रीन याने 34 रन्स करत फिनिशिंग टच दिला. आता मुंबई 241 रन्स करत विजय मिळवणार का? हे पाहणं महत्त्वाचं ठरणार आहे.

ट्रेन्ट बोल्ट याने जितेश शर्मा याला एलबीडब्ल्यू आऊट करत आरसीबीला चौथा झटका दिला आहे. जितेशने 10 रन्स केल्या. बोल्टची ही या सामन्यातील आणि मोसमातील पहिली विकेट ठरली.

आरसीबीच्या 19 ओव्हरमध्ये 3 विकेट्स गमावून 230 धावा केल्या आहेत. टीम डेव्हीड 26 आणि जितेश शर्मा 10 रन्सवर नॉट आऊट खेळत आहेत. त्यामुळे जितेश-टीम जोडी शेवटच्या 6 चेंडूत किती धावा करणार हे पाहणं महत्त्वाचं ठरणार आहे.

मिचेल सँटनर याने आरसीबीचा कॅप्टन रजत पाटीदार याला आऊट केलं आहे. रजत पाटीदार याने 20 बॉलमध्ये 53 रन्स केल्या. रजतने या खेळीत 5 सिक्स आणि 4 फोर लगावले.

हार्दिक पंड्या याने विराट कोहली याला आऊट करत आपली पहिली विकेट मिळवली आहे. आरसीबी विराटच्या रुपात दुसरी विकेट गमावली. विराटने 38 चेंडूत 50 धावा केल्या.

आरसीबीने फिल सॉल्ट याच्या रुपात पहिली विकेट गमावली. त्यानंतर कॅप्टन रजत पाटीदार याने विराटसोबत तडाखेदार बॅटिंग केली. रजतने यासह विराटसह आरसीबीला 14 ओव्हरमध्ये 183 धावांपर्यंत पोहचवलं आहे. रजतने 13 बॉलमध्ये 46 रन्स केल्या आहेत. तर विराट 35 बॉलमध्ये 49 रन्सवर खेळत आहे.

शार्दुल ठाकुर याने मुंबईचया पहिल्या विकेटची प्रतिक्षा संपवली आहे. शार्दुलने फिल सॉल्ट याला आऊट करत आरसीबीला पहिला झटका दिला आहे. सॉल्टने  36 बॉलमध्ये 78 रन्स केल्या.

विराट कोहली आणि फिल सॉल्ट या सलामी जोडीने आरसीबीसाठी शतकी भागीदारी केली आहे. विराटने मिचेल सँटनर याने टाकलेल्या नवव्या ओव्हरमधील चौथ्या बॉलवर फोर ठोकला. यासह आरसीबीच्या सलामी जोडीने 100 धावांची भागीदारी केली. तर दुसऱ्या बाजूला मुंबई अजूनही पहिल्या विकेटच्या शोधात आहे.

फिल सॉल्ट याने मुंबई विरुद्ध तडाखेदार सुरुवात केली आहे. सॉल्टने विराट कोहली याच्यासह 8 ओव्हरमध्ये 95 रन्सची नॉट आऊट पार्टनरशीप केली आहे. सॉल्ट 29 बॉलमध्ये 68 रन्सवर नॉट आऊट खेळत आहे. त्यामुळे सॉल्ट असाच खेळत राहिला तर तो सहज शतक करेल, असं म्हटलं तर वावगं ठरणार नाही. तर दुसऱ्या बाजूला विराटने 19 चेंडूत 25 रन्स केल्या आहेत.

फिल सॉल्ट आणि विराट कोहली या सलामी जोडीने पावरप्ले आपल्या नावावर केला. सलामी जोडीने 6 ओव्हरमध्ये 70 रन्स केल्या. विराटने 14 चेंडूत 22 तर सॉल्टने 22 चेंडूत 47 धावा जोडल्या. तर मुंबईचे फलंदाज पावरप्लेमध्ये विकेट घेण्यात अपयशी ठरले.

विराट कोहली आणि फिल सॉल्ट या सलामी जोडीने आरसीबीला जबरदस्त सुरुवात करुन दिली आहे. या दोघांनी आरसीबीसाठी 5 ओव्हरमध्ये 65 रन्सची नॉट आऊट पार्टनरशीप केली.  विराट कोहली 20 आणि फिल सॉल्ट 44 रन्सवर नॉट आऊट खेळत आहेत.

मुंबई विरुद्ध बंगळुरु सामन्याला सुरुवात झाली आहे. मुंबईने टॉस जिंकून आरसीबीला बॅटिंगसाठी भाग पाडलं आहे. आरसीबीकडून विराट कोहली आणि ट्रेन्ट बोल्ट सलामी जोडी मैदानात आली आहे. सामन्याचं आयोजन हे मुंबईतील वानखेडे स्टेडियममध्ये करण्यात आलं आहे.

मुंबई-आरसीबी सामना सुरु होण्याआधी स्टेडियममध्ये दोन्ही संघांच्या खेळाडूंसह उपस्थित क्रिकेट चाहत्यांकडून ज्येष्ठ गायिका आशा भोसले यांना श्रद्धांजली अर्पण करण्यात आली. आशा भोसले यांचं आज रविवारी मुंबईत वयाच्या 92 व्या वर्षी निधन झालं.

मुंबई इंडियन्सचे अंतिम 11 शिलेदार : रोहित शर्मा, रायन रिकेल्टन (विकेटकीपर), सूर्यकुमार यादव, तिलक वर्मा, हार्दिक पंड्या (कॅप्टन), नमन धीर, मिचेल सँटनर, शार्दुल ठाकूर, ट्रेंट बोल्ट, मयंक मार्कंडे आणि जसप्रीत बुमराह.

आरसीबी प्लेइंग ईलेव्हन : फिलिप सॉल्ट, विराट कोहली, देवदत्त पडीक्कल, रजत पाटीदार (कॅप्टन), टीम डेव्हिड, जितेश शर्मा (विकेटकीपर), रोमारियो शेफर्ड, कृणाल पंड्या, भुवनेश्वर कुमार, जेकब डफी आणि सुयश शर्मा.

मुंबई इंडियन्सच्या बाजूने रॉयल चॅलेंजर्स बंगळुरु विरुद्धच्या सामन्यात नाणेेफेकीचा कौल लागला आहे. कर्णधार हार्दिक पंड्या याने गतविजेत्या आरसीबी विरुद्ध फिल्डिंगचा निर्णय घेतला आहे.

मुंबई इंडियन्स विरुद्ध रॉयल चॅलेजर्सं बंगळुरु सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी 7 वाजता टॉस होणार आहे. नाणेफेकीचा कौल कुणाच्या बाजूने लागतो हे पाहणं महत्त्वाचं ठरणार आहे.

उभयसंघात आतापर्यंत एकूण 34 सामने खेळवण्यात आले आहेत. मुंबईने त्यापैकी 19 सामने जिंकले आहेत. तर आरसीबीने 15 वेळा मुंबईवर विजय मिळवला आहे.

मुंबईची संभाव्य प्लेइंग ईलेव्हन : रोहित शर्मा, रियान रिकेल्टन (विकेटकीपर), तिलक वर्मा, सूर्यकुमार यादव, हार्दिक पंड्या (कॅप्टन), नमन धीर, शेरफेन रदरफोर्ड, मिचेल सँटनर, शार्दुल ठाकुर, दीपक चाहर, ट्रेंट बोल्ट आणि जसप्रीत बुमराह.

रॉयल चॅलेंजर्स बंगळुरु टीम : रजत पाटीदार (कॅप्टन), जितेश शर्मा (विकटेकीपर) फिलिप सॉल्ट, विराट कोहली, देवदत्त पडिक्कल, टीम डेव्हिड, रोमारियो शेफर्ड, कृणाल पंड्या, भुवनेश्वर कुमार, अभिनंदन सिंग, जोश हेझलवुड, वेंकटेश अय्यर, सुयश शर्मा, जेकब बेथेल, रसिक सलाम दार, कनिष्क चौहान, जेकब डफी, मंगेश यादव, स्वप्नील सिंग, जॉर्डन कॉक्स, विकी ओस्तवाल, विहान मल्होत्रा आणि सात्विक देसवाल.

मुंबई इंडियन्स टीम : हार्दिक पंड्या (कॅप्टन), रायन रिकेल्टन (विकेटकीपर), रोहित शर्मा, सूर्यकुमार यादव, तिलक वर्मा, नमन धीर, शार्दुल ठाकूर, दीपक चहर, ट्रेंट बोल्ट, अल्लाह गझनफर, जसप्रीत बुमराह, शेर्फेन रदरफोर्ड, कॉर्बिन बॉश, रॉबिन मिंझ, राज बावा, अश्वनी कुमार, मिचेल सँटनर, मयंक मार्कंडे, क्विंटन डी कॉक, विल जॅक्स, मयंक रावत, रघु शर्मा, अथर्व अंकोलेकर, दानिश मलेवार आणि मोहम्मद सलाहुद्दीन इझार.

मुंबई इंडियन्स विरुद्ध रॉयल चॅलेंजर्स बंगळुरु यांच्यात क्रिकेट चाहत्यांना कडवी झुंज पाहायला मिळणार आहे. दोन्ही संघांचा हा 19 व्या मोसमातील चौथा सामना असणार आहे. मुंबईने 3 पैकी 1 तर आरसीबीने 3 पैकी 2 सामने जिंकले आहेत. दोन्ही संघांनी आपला शेवटचा सामना गमावला आहे. अशात कोणता संघ विजय मिळवून कमबॅक करतो हे पाहणं महत्त्वाचं ठरणार आहे.