LSG vs RCB IPL 2022: Rajat Patidar ने LSG च्या गोलंदाजांना कुट, कुट, कुटलं, 12 फोर, 7 सिक्स, पहा स्फोटक बॅटिंगचा VIDEO
रॉयल चॅलेंजर्स बँगलोरचा (Royal challengers Banglore) फलंदाज रजत पाटीदारने (Rajat Patidar) आज लखनौ सुपर जायंट्स (Lucknow Super giants) विरुद्ध शानदार शतक झळकावलं.
मुंबई: रॉयल चॅलेंजर्स बँगलोरचा (Royal challengers Banglore) फलंदाज रजत पाटीदारने (Rajat Patidar) आज लखनौ सुपर जायंट्स (Lucknow Super giants) विरुद्ध शानदार शतक झळकावलं. एलिमिनेटरच्या महत्त्वाच्या सामन्यात त्याने शानदार फलंदाजी केली. कोलकात्याच्या इडन गार्डन्स स्टेडियमवर हा सामना सुरु आहे. त्याने लखनौच्या गोलंदाजांनी जोरदार धुलाई केली. अक्षरक्ष: त्याने आणि दिनेश कार्तिकने लखनौच्या गोलंदाजांना कुट, कुट, कुटलं. दोघांनी इडन गार्डन्सवर आज चौकार-षटकारांचा पाऊस पाडला. रजत पाटीदारने 49 चेंडूत आयपीएल आणि टी 20 करीयरमधील पहिलं शतक झळकावलं. रजत पाटीदार आणि दिनेश कार्तिकच्या स्फोटक फलंदाजीच्या बळावर RCB ने निर्धारित 20 ओव्हर्समध्ये चार बाद 207 धावा केल्या. रजत पाटीदारने 54 चेंडूत नाबाद 112 धावा केल्या. यात 12 चौकार आणि 7 सिक्स होते. दिनेश कार्तिकने आपल्या नेहमीच्या स्टाइलनमध्ये 23 चेंडूत 37 धावा केल्या. यात पाच चौकार आणि एक षटकार आहे. दोघांनी पाचव्या विकेटसाठी नाबाद 92 धावांची भागीदारी केली.
1,6,4,6,4, 6 रवी बिश्नोईला रजत पाटीदारने कसं धुतलं ते इथे क्लिक करुन बघा
आधी वाट पाहिली नंतर हल्लाबोल
इडन गार्डन्सवर टॉस हरल्यानंतर आरसीबीचा संघ फलंदाजीसाठी मैदानात उतरला. पहिल्याच षटकात त्यांनी कॅप्टन फाफ डू प्लेसिसला गमावलं. त्याला भोपळाही फोडता आला नाही. त्याच ओव्हरमध्ये रजत पाटीदार फलंदाजीसाठी मैदानात आला. त्याने काही षटक वाट पाहिली. त्यानंतर जोरदार हल्लाबोल केला. पाटीदारने कृणाल पंड्या टाकत असलेल्या सहाव्या षटकात 3 चौकार आणि 1 षटकार लगावला. विराट कोहली 25 धावांवर आऊट झाला. आवेश खानच्या गोलंदाजीवर मोहसीन खानकडे त्याने झेल दिला. ग्लेन मॅक्सवेल फारवेळ खेळपट्टीवर टिकला नाही. तो 9 धावांवर आऊट झाला.
12 फोर, 7 सिक्स रजत पाटीदारची पॉवर हिटिंग इनिंग इथे क्लिक करुन बघा
View this post on Instagram
दिनेश कार्तिकची क्लासिक बॅटिंग
दिनेश कार्तिक आणि पाटीदारची जोडी जमल्यानंतर लखनौचे गोलंदाज हतबल झाले. दोघांनी दुर्तफा हल्ला चढवला. दिनेश कार्तिकने कुठेही धावगती मंद होऊ दिली नाही. त्याने 23 चेंडूत 37 धावा चोपल्या. यात पाच चौकार आणि एक षटकार होता.
