Ranji Trophy मध्ये अंडर 19 कॅप्टन यश धुलची तुफानी बॅटिंग, डेब्युमध्येच दोन्ही डावात सेंच्युरी

नवी दिल्ली: दिल्लीच्या यश धुलची (Yash Dhull) रणजी करंडक (Ranji Trophy 2022) स्पर्धेत दमदार कामगिरी सुरु आहे. यश अंडर 19 वर्ल्डकप विजेत्या भारतीय संघाचा कर्णधार आहे. यशने पदार्पणाच्या रणजी सामन्यातच दोन्ही डावात शतकी खेळी केली आहे. तामिळनाडू (Tamilnadu) विरुद्ध यशने पहिल्या डावात 113 धावांची खेळी केली होती. त्यानंतर दुसऱ्या डावातही त्याने शानदार शतक झळकवल आहे. डेब्यू सामन्यातच दोन्ही डावात शतक झळकवणारा यश रणजीमधला तिसरा फलंदाज बनला आहे. तामिळनाडू विरुद्धच्या रणजी लढतीत यशने पहिल्या डावात नाबाद 113 धावांची खेळी केली होती. त्याने 16 चौकार लगावले होते. अर्धशतक पूर्ण करण्यासाठी त्याला 57 चेंडू लागले. यश रणजीमधलं पहिलं शतक पूर्ण करण्यासाठी 133 चेंडू खेळला.

याआधी कोणी केली अशी कामगिरी?

यश धुल मधल्याफळीत फलंदाजी करतो. दिल्लीचा कर्णधार प्रदीप सांगवानने यशवर विश्वास दाखवला व त्याला सलामीला पाठवलं. यश धुलने मिळालेल्या संधीच सोन करत थेट शतकी खेळी साकारली. यश धुलच्या आधी असे दोनच फलंदाज होते, ज्यांनी डेब्यु मॅचमध्येच दोन्ही डावात शतकी खेळी साकारली होती. गुजरातसाठी 1952-53 मध्ये नरी कॉन्ट्रॅक्टर यांनी अशी कामगिरी केली होती. रणजीच्या दोन्ही डावात शतक ठोकणारे ते पहिले क्रिकेटपटू आहेत. पहिल्या डावात 152 आणि दुसऱ्या डावात 102 धावांची खेळी केली होती. त्यानंतर 2012-13 मध्ये महाराष्ट्राकडून विराग आवटेने अशी कामगिरी केली होती. त्यांनी डेब्युच्या दोन्ही डावात शतक झळकावले होते. पहिल्या डावात 126 आणि दुसऱ्या डावात 112 धावा केल्या होत्या.

दिल्ली आणि तामिळनाडूमधला हा कसोटी सामना ड्रॉ झाला. प्रथम फलंदाजी करताना दिल्लीने 452 धावा केल्या. युवा फलंदाज शाहरुख खानचं द्विशतक फक्त सहा धावांनी हुकलं.

ranji trophy 2022 yash dhull century in both innings against tamilnadu record