Mi vs CSk : हा क्षण ठरला सामन्याचा टर्निंग पॉईंट, मुंबई इंडिअन्सच्या पराभवाची मुख्य कारणं!

मुंबई : मुंबई इंडियन्स आणि चेन्नई सुपर किंग्स या तुल्यबळ संघांमध्ये वानखेडे स्टेडियमवर सामना पार पडला. या सामन्यात मुंबईवर चेन्नई संघाने 7 विकेट्स ने विजय मिळवला, यंदाच्या पर्वातील मुंबईचा हा सलग दुसरा पराभव आहे. आरसीबीकडून झालेल्या पराभवानंतर पलटण घरच्या मैदानावर विजय मिळवेल अशी अशा सर्व चाहत्यांना होती मात्र चेन्नईकडून झालेल्या पराभवामुळे चाहत्यांची निराशा झाली. मुंबईची ताकत ही फलंदाजी आहे मात्र बॅटर्सनेच सपशेल नांगी टाकली. त्यासोबतच काही अशीसुद्धा कारणं आहेत ज्यामुळे मुंबईने सामना गमावला.

मुंबई  संघाने एकदम झकास सुरूवात केली होती. कर्णधार रोहित शर्मा आणि ईशान किशन यांनी चौकार षटकार मार आक्रमक सुरूवात करून दिली होती. रोहितला तुषार देशपांडेने बोल्ड आऊट केलं त्यानंतरही ईशानने आपली फटकेबाजी कायम ठेवली होती. मात्र त्यानंतर संघाच्या 64 धावांवर ईशानला जडेजाने आपल्या जाळ्यात अडकवलं.

ईशान मोठा  फटका खेळण्याच्या नादात कॅच आऊट झाला. सामन्यातील ही विकेट टर्निंग पॉईंट ठरली. कारण ईशान बाद झाल्यावर मुंबईच्या खेळाडूंना भागीदारी करता आली नाही. ईशाननंतर सूर्यकुमार यादव 1 धाव काढून आऊट झाला, आता आशा होती ती म्हणजे युवा खेळाडू तिलक वर्मा याच्याकडून कारण मागील सामन्यातही त्यानेच शेवटपर्यंत फलंदाजी करत एकट्याने संघाला सन्मानजनक मजल मारून दिली  होती.

तिलक वर्माही बाद झाला, मुंबईचे मधल्या फळीतील भरवशाचे फलंदाज ज्यामध्ये सूर्यकुमार यादव, तिलक वर्मा, टीम डेविड यांनीही मोठी खेळी करता आली नाही. यामधील एका खेळाडूने जरी शेवटपर्यंत टिकून राहत फलंदाजी केली असती तर धावसंख्या 180 पेक्षा जास्त झाली असती.

मुंबईच्या बॉलिंग विभागातही हुकमी एक्क्क्यासारखे गोलंदाज नाहीत. याआधी कमी स्कोर असतानाही कित्येकवेळा सामने जिंकून दिले आहेत. मात्र आज डेव्हॉन कॉनवेची सुरूवातीची विकेट गमावल्यावर  विकेट मिळवता आली नाही. अजिंक्य रहाणेने सामना पूर्णपणे मुंबईच्या पारड्यात झुकवला होता.

दरम्यान, विकेटच न गेल्याने गोलंदाजांचा आत्मविश्वास कमी झालेला दिसून आला.  कोणत्याही गोलंदाजाने भेदक असा मारा केला नाही. त्यामुळे सीएसकेने सहजपणे मुंबई संघावर मात केली.