Ruturaj Gaikwad: 5 षटकार, 14 चौकार, मराठमोळ्या ऋतुराज गायकवाडचा पुन्हा क्रिकेटमध्ये डंका, टीम इंडियाचं तिकीट मिळणार?

Ruturaj Gaikwad: 5 षटकार, 14 चौकार, मराठमोळ्या ऋतुराज गायकवाडचा पुन्हा क्रिकेटमध्ये डंका, टीम इंडियाचं तिकीट मिळणार?
ऋतुराज गायकवाडने विजय हजारे ट्रॉफित सलग दोन सामन्यात शतक ठोकलंय

विजय हजारे करंडक क्रिकेट स्पर्धेत महाराष्ट्राचा हा सलग दुसरा विजय आहे. तर ऋतुराजनं दोन्ही सामन्यात शतक ठोकण्याचा पराक्रम केलाय. विशेष म्हणजे महाराष्ट्राचा कर्णधार म्हणून ट्रॉफिच्या आदल्या दिवशीच त्याच्या नावाची घोषणा केली होती.

टीव्ही 9 मराठी डिजीटल टीम

| Edited By: सागर जोशी

Dec 10, 2021 | 1:10 PM

विजय हजारे ट्रॉफिचे (Vijay Hazare Trophy) सामने सुरु झालेत आणि गेल्या दोन दिवसात एकच नाव सगळीकडे आहे आणि ते आहे आपल्या मराठमोळ्या ऋतुराज गायकवाडचे. (Ruturaj Gaikwad) त्याला कारणही तसच आहे. पठ्ठ्यानं कामगिरीच अशी केलीय की टीम इंडियासाठी त्याची दावेदारी मजबूत होताना दिसतेय. ऋतुराजनं छत्तीसगडच्याविरोधात नाबाद दीडशतकी खेळी केलीय. तसच दोन दिवसात दोन शतकं लगावलीत. त्याच्या खेळीच्या जोरावरच महाराष्ट्रानं छत्तीसगडचा 8 गडी राखून दणदणीत पराभव केला. विजय हजारे करंडक क्रिकेट स्पर्धेत महाराष्ट्राचा हा सलग दुसरा विजय आहे. तर ऋतुराजनं दोन्ही सामन्यात शतक ठोकण्याचा पराक्रम केलाय. विशेष म्हणजे महाराष्ट्राचा कर्णधार म्हणून ट्रॉफिच्या आदल्या दिवशीच त्याच्या नावाची घोषणा केली होती. म्हणजे तीन दिवस गायकवाडाच्या पोराच्याच पराक्रमाची चर्चा आहे.

मध्यप्रदेशविरोधातही शतकी खेळी
विजय हजारे करंडक स्पर्धेत मध्यप्रदेश विरुद्धचा मॅचही महाराष्ट्रानं जिंकला(Maharashtra Cricket Team). त्यातही ऋतुराजनं भारी कामगिरी केली. अवघ्या 85 बॉल्समध्ये शतक ठोकलं. यश नहारसोबत त्यानं या सामन्यातही 107 रन्सची शतकी भागिदारी पूर्ण केली. बिचारा यशचं मात्र एका रन्सनं अर्धशकत हुकलं. तो 55 बॉल्सवर 49 रन्स काढून आऊट झाला. ऋतुराजसाठी हा खरं तर डबलधमाका आहे. कारण कप्तान झाल्यानंतर लागोपाठच्या दोन सामन्यात त्यानं दोन शतकं ठोकलीयत.

छत्तीसगडनं 276 रन्सचं टार्गेट दिलं होतं. (Chhattisgarh Cricket Team) ते गायकवाडच्या महाराष्ट्रानं 47 ओव्हर्स आणि फक्त दोन विकेट गमावून पूर्ण केलं. त्यात ओपिनिंगला आलेल्या ऋतुराजनं 143 चेंडुत 5 उत्तुंग षटकार, 14 धमाकेदार चौकाराच्या मदतीनं 154 रन्सची नाबाद खेळी केली. यात त्याला खरी मदत मिळाली ती यश नहारची. कारण 22. 5 ओव्हर्समध्ये दोघांनी 120 रन्सची ओपिनिंग पार्टनरशिप केली. तिथच महाराष्ट्राच्या विजयाची पायाभरणी झाली. त्यानंतर यश हा शशांक चंद्राकरकडून यष्टिचित झाला. पण त्यानंतर आलेला नौशाद शेख महत्वाचा ठरला. त्यानेही ऋतुराजला साथ देत 37 रन्स ठोकल्या. ऋतुराज आणि नौशादची शतकी भागिदारी मात्र अवघ्या 4 रन्सने हुकली. दोघांची पार्टनरशिप 96 धावांची होती. त्यानंतर राहुल त्रिपाठी खेळायला आला. त्यानं 23 रन्स काढल्या. ऋतुराज आणि राहुलनं विजयी खेळी केली.

टॉस नेमका कोण जिंकणार याची उत्सुकता होतीच. तर नशीबानं छत्तीसगडला साथ दिली. टॉस जिंकल्यानंतर छत्तीसगडनं बॅटींग निवडली. त्यांनी 7 बाद 275 असा सन्मानजनक स्कोअर उभा केला. त्यात महाराष्ट्राकडून मुकेश चौधरीनं सर्वाधिक 4 बॅटसबन बाद केले. तर राहुल त्रिपाठीनं 2. तरणजितसिंह धिल्लोनला 1 विकेट घेता आली.

ऋतुराजचा चलता शिक्का
आयपीएलमध्ये धमाकेदार खेळी करुन ऋतुराज (Ruturaj Gaikwad in IPL) चर्चेत आहे. त्याच्या त्याच कामगिरीच्या जोरावर धोनीच्या चेन्नई सुपरकिंग्जनं त्याला 6 कोटी रुपये देऊन रिटेन केलंय. आयपीएलमध्ये त्यानं 22 मॅचेसमध्ये 46 च्या सरासरीनं 839 रन्स खोऱ्यानं ओढल्यात. यात 1 शतक आणि 7 अर्धशतकांचा समावेश आहे. अर्थातच त्यानं पर्पल कॅप मिळवली होती हे वेगळं सांगायला नको.

हे सुद्धा वाचा:

Nagpur ZP | सरपंच भवनाजवळील लॉनवर खर्च केले लाखो रुपये; पण गेल्या दोन वर्षांत एकही बुकिंग नाही, कारण काय?

Pandu Movie | भाऊची कमाल कुशलची धमाल, ‘पांडू’ची वारी, हिंदीवर भारी, विकेंडला जमवला कोटींचा गल्ला!

Sugar Factory :अतिरीक्त साखरेवर आता इथेनॉल निर्मितीचा रामबाण पर्याय, देशातील इथेनॉल निर्मितीमध्ये महाराष्ट्राचा मोठा वाटा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें