SRH vs LSG Live Streaming : हैदराबाद दुसऱ्या विजयसाठी सज्ज, लखनौ खातं उघडणार? कोण जिंकणार?
Sunrisers Hyderabad vs Lucknow Super Giants IPL 2026 Live Scorecard : सनरायजर्स हैदराबादचा रविवारी सामना जिंकून विजयी घोडदौड कायम ठेवण्याचा प्रयत्न असणार आहे. तर लखनौ विजयाचं खातं उघडण्यासाठी मैदानात उतरणार आहे.
जगातील सर्वात लोकप्रिय आणि श्रीमंत टी 20 लीग अशी ओळख असलेल्या आयपीएल स्पर्धेच्या 19 व्या मोसमाचा (IPL 2026) थरार सुरु आहे. या पर्वात एकूण 8 डबल हेडर सामने होणार आहेत. त्यातील दुसऱ्या डबल हेडरचं आयोजन हे रविवारी 5 एप्रिलला करण्यात आलं आहे. या डबल हेडरमधील पहिल्या सामन्यात सनरायजर्स हैदराबाद विरुद्ध लखनौ सुपर जायंट्स एकमेकांविरुद्ध भिडणार आहेत. पॅट कमिन्स याच्या अनुपस्थितीत इशान किशन हैदराबादचं नेतृत्व करणार असल्याचं निश्चित आहे. तर ऋषभ पंत याच्या खांद्यावर लखनौच्या कर्णधारपदाची धुरा आहे. या सामन्याबाबत महत्त्वाची माहिती जाणून घेऊयात.
सनरायजर्स हैदराबाद विरुद्ध लखनौ सुपर जायंट्स सामना कधी?
सनरायजर्स हैदराबाद विरुद्ध लखनौ सुपर जायंट्स सामना रविवारी 5 एप्रिलला खेळवण्यात येणार आहे.
सनरायजर्स हैदराबाद विरुद्ध लखनौ सुपर जायंट्स सामना कुठे?
सनरायजर्स हैदराबाद विरुद्ध लखनौ सुपर जायंट्स सामन्याचा थरार राजीव गांधी आंतरराष्ट्रीय स्टेडियम, हैदराबाद इथे रंगणार आहे.
सनरायजर्स हैदराबाद विरुद्ध लखनौ सुपर जायंट्स सामन्याला किती वाजता सुरुवात होणार?
सनरायजर्स हैदराबाद विरुद्ध लखनौ सुपर जायंट्स सामन्याला दुपारी 3 वाजून 30 मिनिटांनी सुरुवात होणार आहे. तर 3 वाजता टॉस होणार आहे.
सनरायजर्स हैदराबाद विरुद्ध लखनौ सुपर जायंट्स सामना टीव्ही-मोबाईलवर कुठे पाहायला मिळेल?
सनरायजर्स हैदराबाद विरुद्ध लखनौ सुपर जायंट्स सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल. तर लाईव्ह मॅच मोबाईलवर जिओहॉटस्टार एपद्वारे पाहायला मिळेल.
लखनौची पराभवाने सुरुवात
हैदराबादचा हा या मोहिमेतील तिसरा तर लखनौचा दुसरा सामना असणार आहे. लखनौची या मोहिमेत पराभवाने सुरुवात झाली. लखनौचा दिल्ली कॅपिट्ल्सने 1 एप्रिलला 6 विकेट्सने धुव्वा उडवला. त्यामुळे कॅप्टन ऋषभ पंत याच्यासमोर लखनौला मोहिमेतील दुसऱ्या सामन्यात विजयी करण्याचं आव्हान असणार आहे. अशात ऋषभ नेतृत्वासह फलंदाज म्हणून काय योगदान देतो हे पाहणं महत्त्वाचं ठरणार आहे.
तसेच लखनौप्रमाणे हैदराबादचीही या मोसमात पराभवाने सुरुवात झाली. हैदराबादने खेळलेल्या 2 पैकी 1 सामन्यात विजय मिळवला आहे. तर एकदा पराभवाचा सामना करावा लागला. हैदराबादला आपल्या मोहिमेतील पहिल्या सामन्यात 28 मार्चला आरसीबी विरुद्ध 6 विकेट्सने सामना गमवावा लागला. मात्र हैदराबादने दुसऱ्या सामन्यात कमबॅक केलं. हैदराबादने 2 एप्रिलला दुसऱ्या सामन्यात जोरदार मुसंडी मारत विजयाचं खातं उघडलं. हैदराबादने केकेआरवर 65 धावांनी विजय मिळवला. त्यामुळे हैदराबाद ही विजयी घोडदौड कायम राखण्यात यशस्वी होणार का? हे पाहणंही औत्सुक्याचं ठरणार आहे.
