Rashid Khan: राशिद खानला मोठा झटका! आयसीसीने ठरवलं दोषी, आता ….
Afghanistan Rashid Khan: अफगाणिस्तान दक्षिण आफ्रिके विरुद्ध सेमी फायनलमध्ये खेळण्यासाठी सज्ज आहे. मात्र त्याआधी अफगाणिस्तानच कॅप्टन राशिद खान दोषी आढळला आहे.
आयसीसी टी 20 वर्ल्ड कप स्पर्धेत अफगाणिस्तान क्रिकेट टीमने राशिद खान याच्या नेतृत्वात इतिहास रचला. अफगाणिस्तानने बांगलादेश विरुद्ध विजय मिळवून सेमी फायनलमध्ये प्रवेश केला. अफगााणिस्तानची सेमी फायनलमध्ये पोहचण्याची ही पहिली वेळ ठरली. आता अफगाणिस्तान दक्षिण आफ्रिके विरुद्ध सेमी फायनलमध्ये 27 जून रोजी आमनेसामने असणार आहे. त्याआधी अफगाणिस्तानचा कॅप्टन राशिद खान याला एक चूक भोवली आहे. राशिदने बांगलादेश विरुद्ध केलेली एक कृती भोवलीय. त्यामुळे आयसीसीने राशिदला फटकारलं आहे.
राशिद खानने बांगलादेश विरूद्धच्या सामन्यातील पहिल्या डावात बॅटिंग करताना सहकारी फलंदाजने दुसरी धाव घेण्यास नकार दिला होता. त्यामुळे राशिदने संताप व्यक्त करत आपली बॅट फेकली होती. राशिदच्या या कृतीचा व्हीडिओ सोशल मीडियावर व्हायरल झाला होता. आयसीसीच्या आचारसंहितेचा भंग केल्याप्रकरणी राशिद खान दोषी ठरवण्यात आलं आहे. राशिदकडून आयसीसीच्या आचार संहितेच्या लेव्हल 1 चे उल्लंघन केल्याबद्दल फटकारण्यात आलंय. आयसीसीने सोशल मीडियावर पोस्ट करत याबाबतची माहिती दिली आहे.
नक्की काय झालं होतं?
राशिद खानने बांगलादेश विरूद्धच्या पहिल्या डावात बॅटिंग दरम्यान सहकाऱ्यावर राग व्यक्त करण्यासाठी बॅट फेकली होती. बॅटिंग दरम्यान 20 व्या ओव्हरमध्ये हा सर्व प्रकार घडला. राशिदसोबत करीम जनात बॅटिंग करत होता. स्ट्राईकवर असलेल्या राशिदने 1 धाव घेतली आणि तो दुसऱ्या धावेसाठी इच्छूक होता. राशिद जवळपास अर्ध्या वाटेत पोहचला होता. मात्र करीमने नकार देत त्याला माघारी फिरायला भाग पाडलं. राशिदने त्या रागातून बॅट फेकून आपला संताप व्यक्त केला होता.
राशिद खानला मोठा झटका
Afghanistan captain reprimanded during final Super Eight match against Bangladesh.
📝 https://t.co/n0t2kv6V1M#T20WorldCup pic.twitter.com/3yBFIk7YfB
— ICC (@ICC) June 26, 2024
दरम्यान त्या सामन्यात राशिद खान याने 3 सिक्ससह निर्णायक 19 धावांची नाबाद खेळी केली. त्यामुळे अफगाणिस्तानने 20 ओव्हरमध्ये 115 धावांपर्यंत मजल मारली. मात्र पावसामुळे 1 ओव्हर कमी करण्यात आली. त्यामुळे बांगलादेशला 114 धावांचं सुधारित आव्हान मिळालं. मात्र अफगाणिस्तानच्या गोलंदाजांनी कमाल केली. अफगाणिस्तानने बांगलादेशला 17.5 ओव्हरमध्ये 105 धावांवर ऑलआऊट करुन सामना जिंकल आणि सेमी फायनलमध्ये प्रवेश मिळवला. आता अफगाणिस्तान 27 जून रोजी दक्षिण आफ्रिके विरुद्ध सेमी फायनल सामन्यात 2 हात करणार आहे.
