Bcci Naman Awards 2026 : शुबमन-स्मृतीचा सन्मान, बीसीसीआयकडून सर्वात मोठा पुरस्कार, खेळाडूंना पुरस्कारासह काय मिळालं?
Shubman Gill and Smriti Mandhana Bcci Naman Awards 2026 Winners : भारतीय क्रिकेटपटू आणि चाहत्यांसाठी रविवार 15 मार्च हा दिवस खास ठरला. भारतीय क्रिकेटसाठी उल्लेखनीय कामगिरी करणाऱ्या आजी माजी खेळाडूंचा बीसीसीआयच्या वतीने सन्मान करण्यात आला.
आयसीसी टी 20i वर्ल्ड कप 2026 स्पर्धेतील ऐतिहासिक विजयानंतर भारतीय क्रिकेट वर्तुळात आनंदाचं वातावरण पाहायला मिळत आहे. आयसीसीच्या गेल्या काही स्पर्धेत मेन्स आणि वुमन्स टीम इंडियाने जबरदस्त कामगिरी केली आहे. अंडर 19 मेन्स आणि वुमन्स टीम इंडियाने वर्ल्ड कप जिंकला आहे. मेन्स टीम इंडियाने चॅम्पियन्स ट्रॉफी आणि त्याआधी टी 20i वर्ल्ड कप ट्रॉफीवर नाव कोरलं. तर हरमनप्रीत कौर हीच्या कॅप्टन्सीत भारतीय महिला संघाने पहिल्यांदाच एकदिवसीय वर्ल्ड कप जिंकण्याची कामगिरी केलीय. त्यामुळे टीम इंडियाचाच क्रिकेट वर्तुळात बोलबाला पाहायला मिळत आहे. अशात आता टीम इंडियासाठी उल्लेखनीय कामगिरी करणाऱ्या खेळाडूंना बीसीसीआयकडून नमन पुरस्कार सोहळ्यात सन्मानित करण्यात आलं आहे.
शुबमन-स्मृतीचा सन्मान
बीसीसीआयकडून मेन्स वनडे आणि टेस्ट टीम इंडियाचा कॅप्टन शुबमन गिल याला सन्मानित करण्यात आलं आहे. तर महिला संघाची उपकर्णधार स्मृती मंधाना हीचाही सत्कार करण्यात आला आहे. शुबमनला सर्वोत्तम कामगिरीसाठी ‘क्रिकेटर ऑफ द इयर’ पुरस्काराने सन्मानित करण्यात आलं. तर स्मृतीला ‘क्रिकेटर ऑफ द इयर’ पुरस्कारने गौरवण्यात आलं. या दोघांनाही 2024-2025 या मोसमातील कामगिरीसाठी हा सन्मान देण्यात आला आहे. नवी दिल्लीतील एका हॉटेलमध्ये या भव्यदिव्य कार्यक्रमांच आयोजन करण्यात आलं.
स्मृती-शुबमनची कामगिरी
स्मृती मंधाना हीने गेल्या मोसमात 1800 धावा केल्या होत्या. तर शुबमन गिल याने नेतृत्वाच्या जबाबदारीसह 1 हजार 565 धावा केल्या होत्या. या कामगिरीसाठी स्मृती आणि शुबमनला हा मोठा पुरस्कार देण्यात आला. बीसीसीआयकडून या दोघांना ट्रॉफीसह प्रत्येकी 15 लाख रुपये देण्यात आले.
प्रिन्सचा सन्मान
🚨 𝗣𝗼𝗹𝗹𝘆 𝗨𝗺𝗿𝗶𝗴𝗮𝗿 𝗔𝘄𝗮𝗿𝗱 🚨
Dominating attacks and delivering big runs when it mattered most 🫡
Congratulations to #TeamIndia captain Shubman Gill on being named 𝐁𝐞𝐬𝐭 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐂𝐫𝐢𝐜𝐤𝐞𝐭𝐞𝐫 – 𝐌𝐞𝐧 🏆👏#NamanAwards | @ShubmanGill pic.twitter.com/IozcgwWyOD
— BCCI (@BCCI) March 15, 2026
सर्व खेळाडूंना मेडल
बीसीसीआयच्या या विशेष कार्यक्रमात अंडर 19 वर्ल्ड कप विजेता मेन्स आणि वुमन्स टीम इंडियातील खेळाडू या कार्यक्रमाला उपस्थित होते. तसेच टी 20i वर्ल्ड कप विजेता टीम इंडियातील खेळाडूंनीही या पुरस्कार सोहळ्याला उपस्थिती लावली. बीसीसीआयकडून या सर्व खेळाडूंना मेडलने सन्मानित करण्यात आलं.
तिघांना जीवनगौरव पुरस्कार
तसेच बीसीसीआयकडून रॉजर बिन्नी,राहुल द्रविड आणि मिताली राज या भारताच्या 3 माजी खेळाडूंना जीवनगौरव पुरस्काराने सन्मानित करण्यात आलं. क्रिकेटमधील अतुलनीय योगदानासाठी त्यांना हा पुरस्कार देण्यात आला.
