BAN vs IND : टीम इंडियाला ज्याने रडवलं, विराटने त्याच्यासोबत नक्की असं का केलं?
बांगलादेशच्या या खेळाडूचा आणि विराट कोहलीचा (Virat Kohli) हा फोटो सोशल मीडियावर (Social Media) व्हायरल होतोय.
ढाका : टीम इंडियाने बांगलादेश (BAN vs IND 2ND Test) विरुद्धच्या दुसऱ्या आणि शेवटच्या कसोटी सामन्यात 3 विकेट्सने विजय मिळवला. टीम इंडियाने यासह 2-0च्या फरकाने मालिका जिंकली. टीम इंडियाला (Team India) विजयासाठी 145 धावांचे माफक आव्हान मिळाले होते. मात्र इतक्या धावांसाठी टीम इंडियाला 7 विकेट्स गमवावे लागले. विराट कोहलीने (Virat Kohli) या दरम्यान बांगलादेशच्या खेळाडूला एक झक्कास गिफ्ट दिलं. बांगलादेशच्या या खेळाडूचा आणि विराटचा हा फोटो सोशल मीडियावर (Social Media) व्हायरल होतोय. (virat kohli gifted to his autographed jersey to bangladesh cricket mehidy hasan ban vs ind 2nd test)
विराटने बांगलादेशच्या सामन्यानंतर मेहदी हसनला (Mehidy Hasan) एक खास गिफ्ट दिलं, जे नक्कीच मेहदीसाठी अविस्मरणीय असं असेल. मेहदीने विराटोसोबतचा एक फोटो शेअर केलाय. या फोटोत विराट स्वत:ची ऑटोग्राफ केलेली जर्सी मेहेदीला गिफ्ट देतोय.
मेहदी हसनचं ट्विट
Special souvenir from one of the greatest cricketer Virat Kohli. pic.twitter.com/y67twA2Rle
— Mehidy Hasan Miraz (@Officialmiraz) December 25, 2022
मेहदीने टीम इंडियाला रडवलं
मेहदीने या कसोटी सामन्यात टीम इंडियाला चांगलंच रडवलवंय. मेहदीने दोन्ही सामन्यातील एकूण 4 डावात अनुक्रमे 4, 1, 1 आणि 5 असे 11 विकेट्स घेतले. दुसऱ्या सामन्यातील चौथ्या डावात श्रेयस आणि आश्विनची जोडी जमली नसती तर कदाचित मेहदीने बांगलादेशला विजयही मिळवून दिला असता.
श्रीलंकेचा भारत दौरा
नववर्षाची सुरुवात टीम इंडिया श्रीलंकेपासून करणार आहे. उभयसंघात टी 20 आणि एकदिवसीय मालिका खेळवण्यात येणार आहे. प्रत्येकी 3 सामन्यांच्या या दोन्ही मालिका असणार आहे. या दोन्ही मालिकांसाठी श्रीलंका भारत दौऱ्यावर येणार आहे. 2023 मध्ये एकदिवसीय वर्ल्ड कप स्पर्धा पार पडणार आहे. या दृष्टीने दोन्ही संघांसाठी एकदिवसीय मालिका ही महत्त्वाची असणार आहे. त्यामुळे या मालिकेत टीम इंडिया कशी कामगिरी करते, याकडे निवड समितीसह क्रिकेट चाहत्यांचंही लक्ष असणार आहे.
