ENG vs NZ : क्या सिक्सर है… 7 षटकार अन् 14 चौकार, जॉनी बेअरस्टोची तुफान फटकेबाजी
इंग्लंडसाठी सर्वात वेगवान कसोटी शतकाचा विक्रम गिल्बर्ट जेसॉपच्या नावावर आहे.
नवी दिल्ली : इंग्लंडचा (ENG) स्फोटक यष्टीरक्षक फलंदाज जॉनी बेअरस्टोनं नॉटिंगहॅम कसोटीच्या चौथ्या डावात ऐतिहासिक शतक झळकावलं. इंग्लंडच्या संघाला चौथ्या डावात सुलमारे 72 षटकांत 299 धावांचं लक्ष्य न्यूझीलंडकडून (NZ) मिळालं होतं. या लक्ष्याचा पाठलाग इंग्लंडच्या फलंदाजांना 5व्या दिवसाच्या शेवटच्या दोन सत्रात करावा लागला. बेअरस्टो-बेन स्टोक्सच्या धडाकेबाज खेळीनं इंग्लंडला 50 षटकांत विजय मिळवून दिला. कसोटी मालिकेतील दुसऱ्या सामन्यात इंग्लंडनं न्यूझीलंडचा (ENG vs NZ) 5 गडी राखून पराभव केला. या विजयाचा नायक जॉनी बेअरस्टो होता. बेअरस्टोनं इंग्लंडसाठी दुसरे सर्वात जलद कसोटी शतक झळकावलं. त्याच्या संघानं न्यूझीलंडविरुद्ध मालिका 2-0नं जिंकण्यासाठी विक्रमी लक्ष्याचा पाठलाग केला. इंग्लंडनं पाचव्या दिवशी दोन सत्रांचा खेळ बाकी असताना विजयासाठी 299 धावांचे लक्ष्य ठेवलं होतं. इंग्लंडने 50 षटकांत लक्ष्याचा पाठलाग केला. बेअरस्टननं 92 चेंडूत 136 धावा केल्या. त्याच्या खेळीत 14 चौकार आणि 7 षटकारांचा समावेश होता.
विजयासाठी आक्रमक फलंदाजी
एका वेळी इंग्लंडची धावसंख्या चार बाद 93 अशी होती. बेअरस्टो आणि कर्णधार बेन स्टोक्स (नाबाद 75) नंतर बरोबरीत खेळू शकले कारण ते मालिकेत आधीच 1-0 ने आघाडीवर आहेत. परंतु त्यांनी विजयासाठी आक्रमक फलंदाजी केली. नवे प्रशिक्षक ब्रेंडन मॅक्क्युलमने आपल्या खेळाडूंना हेच शिकवले आहे.
1902 मध्ये 76 चेंडूत शतक झळकावलं
बेअरस्टोनं 77 चेंडूत आपले शतक पूर्ण केलं. इंग्लंडसाठी सर्वात वेगवान कसोटी शतकाचा विक्रम गिल्बर्ट जेसॉपच्या नावावर आहे. त्यानं 1902 मध्ये 76 चेंडूत शतक झळकावलं होतं. जेसॉपने कसोटी सामन्याच्या चौथ्या डावातही हा पराक्रम केला. बेअरस्टो बाद झाल्यावर प्रेक्षकांनी उभे राहून त्याचं स्वागत केलं. यानंतर स्टोक्स आणि बेन फॉक्स (नाबाद 12) यांनी इंग्लंडला विजयापर्यंत नेले.
न्यूझीलंडचा दुसरा डाव उपाहाराच्या 45 मिनिटे आधी 284 धावांत आटोपला. सात बाद 224 धावांवर संघाने दिवसाची सुरुवात केल्यानंतर स्टुअर्ट ब्रॉडने 60 धावा केल्या आणि सुरुवातीच्या सत्रात दोन बळी घेतले. त्याने मॅट हेन्री (18) आणि काइल जेमिसन (01) यांना यष्टिरक्षक बेन फॉक्सकरवी झेलबाद केले. ११व्या क्रमांकावर फलंदाजी करणाऱ्या बोल्टने डॅरिल मिशेलला (नाबाद 62) 17 धावा देत शानदार साथ दिली.
