अफगाणिस्तानविरुद्धचा सामना खेळताना शुबमन गिलने गळ्यात काय घातलं होतं? जाणून घ्या

India vs Afghanistan, 2nd ODI: भारतीय वनडे संघाचा कर्णधार शुबमन गिल अफगाणिस्तानविरुद्धच्या दुसऱ्या वनडे सामन्यात तिसऱ्या क्रमांकावर उतरला. या सामन्यात यशस्वी जयस्वाल असल्याने त्याने ओपनिंगला येणं टाळलं आणि तिसऱ्या स्थानावर उतरला. पण तिसऱ्या क्रमांकावर उतरूनही त्याने जबरदस्त खेळी केली. तक्याने 110 चेंडूंचा सामना 154 धावा ठोकल्या. लखनौच्या भारतरत्न अटल बिहारी वाजपेयी स्टेडियमध्ये त्याने दीड शतकी खेळी केली. पण यावेळी त्याच्या गळ्याभौवती पांढऱ्या रंगाचं काही तरी बांधल्याचं दिसून आलं. खरं तर यापूर्वी असं कोणी बांधलेलं पाहायला मिळालं नव्हतं. त्यामुळे नेमकं काय आहे? याबाबत चर्चांना उधाण आलं आहे. आता शुबमन गिलने गळ्याभोवती काय बांधलं होतं आणि त्याचं काय फायदे आहेत? वगैरे असे प्रश्न तुम्हाला पडले असतील तर त्याचं उत्तर पुढे जाणून घ्या.

शुभमन गिलने गळ्याला बांधला खास टॉवेल

शुबमन गिलने आपल्या गळ्याभोवती पांढऱ्या रंगाचा एक खास टॉवेल बांधला होता. त्यामुळे शरीर थंड राहण्यास मदत होते. भारतात प्रचंड उकाडा आहे. त्यामुळे उन्हात उभं राहून खेळणं वाटतं तितकं सोपं नाही. त्यामुळे शरीर थंड ठेवणं तितकं गरजेचं आहे. शुबमन गिलला शतकी खेळीनंतर उकाड्यात फलंदाजी करणं कठीण जात होतं. त्याला स्नायूंचा ताण जाणवत होता. त्यामुळे फिजिओथेरपिस्टने त्याला गळ्याभोवती पांढरा टॉवेल गुंडाळायला सांगितलं. हा टॉवेल थंड पाण्यात भिजवलेला असतो आणि घाम शोषून घेतो. त्यामुळे फलंदाजाला असह्य उकाड्यापासून तात्पुरता दिलासा मिळतो. भारतीय परिस्थितीत फलंदाजांना जास्त वेळ फलंदाजी करता यावी यासाठी अनेकदा याचा वापर केला जातो.

Hey @Grok, can you tell me what Shubman Gill is wearing around his neck and what it’s used for😲 pic.twitter.com/TWz0Fi0Xbf

— ‘ (@DeshiBeast35) June 17, 2026

शुबमन गिलला मानेचा त्रास

शुबमन गिलला मानेचा त्रास आहे. दक्षिण अफ्रिकेविरुद्धच्या कसोटी सामन्यात त्याला हा त्रास जाणवला होता. त्यामुळे फलंदाजी अर्धवट सोडून जावं लागलं होतं. त्यानंतर मैदानात परतला नाही. त्यानंतर आयपीएल स्पर्धेतही शुबमन गिलला या त्रासाला सामोरं जावं लागलं होतं. मोठी खेळी करताना अनेकदा या समस्या येतात. त्यामुळे शुबमन गिलने खबरदारी म्हणून पांढरा टॉवेल गळ्याभोवती बांधला होता.