Abhinav Manohar : चप्पलविक्रेत्याचा मुलगा ते गुजरातचा विश्वासू फलंदाज, कोण आहे अभिनव मनोहर?
IPL 2022, GT vs RR, Abhinav Manohar: इंडियन प्रीमियर लीगच्या (IPL) 24 व्या सामन्यात गुजरात टायटन्सने (Gujarat Titans) राजस्थानवर 37 धावांनी शानदार विजय मिळवला. या सामन्यात गुजरातने राजस्थानला विजयासाठी 193 धावांचे लक्ष्य दिले होते. पण राजस्थानला निर्धारीत 20 षटकात नऊ बाद 155 धावापर्यंतच मजल मारली. गुजरातचा कर्णधार हार्दिक पंड्या या विजयाचा हिरो ठरला. मात्र या […]
IPL 2022, GT vs RR, Abhinav Manohar: इंडियन प्रीमियर लीगच्या (IPL) 24 व्या सामन्यात गुजरात टायटन्सने (Gujarat Titans) राजस्थानवर 37 धावांनी शानदार विजय मिळवला. या सामन्यात गुजरातने राजस्थानला विजयासाठी 193 धावांचे लक्ष्य दिले होते. पण राजस्थानला निर्धारीत 20 षटकात नऊ बाद 155 धावापर्यंतच मजल मारली. गुजरातचा कर्णधार हार्दिक पंड्या या विजयाचा हिरो ठरला. मात्र या सामन्यात तसेच गुजरातच्या याआधीच्या सामन्यांमधून एका खेळाडूने सर्वांचं लक्ष वेधलं आहे. तो खेळाडू म्हणजे अभिनव मनोहर (Abhinav Manohar). राजस्थान रॉयल्सविरुद्ध अभिनव मनोहरने 28 चेंडूत 43 धावांची खेळी केली. ज्यात चार चौकार आणि दोन उत्तूंग षटकारांचा समावेश होता. त्याने कर्णधार हार्दिक पंड्यासोबत मोठी भागीदारी केली. अभिनव मनोहर चांगली फलंदाजी करत होता, पण त्याला आपले अर्धशतक पूर्ण करता आले नाही. युझवेंद्र चहलने त्याला बाद केले.
लखनौ सुपर जायंट्सविरुद्ध गुजरातला विजयासाठी शेवटच्या षटकात 11 धावांची गरज होती. तेव्हा अभिनवने उत्तम खेळी केली. या सामन्यात त्याने 15 धावा केल्या होत्या. सनरायझर्स हैदराबादविरुद्ध त्याने 21 चेंडूत 35 धावा केल्या. दिल्ली कॅपिटल्सविरुद्ध 1 धाव आणि पंजाब किंग्जविरुद्ध त्याला फलंदाजीची संधी मिळाली नाही. IPL 2022 मध्ये अभिनव मनोहर आपल्या खेळाने सर्वांची मने जिंकत आहे. तो गुजरातच्या फलंदाजीतील एक मजबूत दुवा बनला आहे.
महालिलावात झाला मालामाल
अभिनव मधल्या फळीत आक्रमक फलंदाजीसह लेग ब्रेक गोलंदाजीदेखील करतो. अभिनव देशांतर्गत क्रिकेटमध्ये कर्नाटककडून खेळतो. या खेळाडूने आयपीएल 2022 मध्ये राजस्थान रॉयल्ससाठी टेस्ट दिली होती. लिलावात त्याची बेस प्राईस 20 लाख रुपये ठेवली, परंतु गुजरात टायटन्सने या खेळाडूला 2 कोटी 60 लाख रुपयांच्या बोलीवर खरेदी केले. अभिनव लिलावात 13 पट जास्त किमतीत विकला गेला.
वडिलांचं फूटवेरअचं दुकान
अभिनव मनोहर मध्यमवर्गीय कुटुंबातून आलेला आहे. अभिनवचे वडील बंगळुरूमध्ये फुटवेअरचे दुकान (पादत्राणांचे दुकान) चालवत होते, ज्यातून कुटुंबाचा उदरनिर्वाह चालायचा. अभिनवला लहानपणापासूनच क्रिकेटची आवड आहे. अनेक अडचणींवर मात करत त्याने क्रिकेटचे धडे घेतले. अभिनव 27 वर्षांचा आहे. तो मूळचा कर्नाटकमधील बँगलोरचा आहे. सय्यद मुश्ताक अली ट्रॉफीद्वारे त्याने देशांतर्गत क्रिकेटमध्ये पाऊल ठेवलं. या स्पर्धेतील कामगिरीच्या जोरावर त्याला आयपीएलमध्ये सधी मिळाली.
इतर बातम्या
Purple Cap 2022 : पर्पल कॅप युजवेंद्र चहलकडे, जाणून घ्या कोणते खेळाडू आहेत टॉप 10 मध्ये
IPL 2022, SRH vs KKR : आज कोलकाता विरुद्ध हैदराबाद सनराइजर्स सामना, कोलकाता दुसरं स्थान कायम राखणार?
