Richa Ghosh | रिचा घोष हीचा तडाखा कायम, विंडिजविरुद्ध तोडफोड बॅटिंग

केपटाउन : वूमन्स टीम इंडियाने टी 20 वर्ल्ड कपमध्ये विजयी घोडदौड सुरु ठेवली आहे. टीम इंडियाने वेस्टइंडिजचा 6 विकेट्सने विजय मिळवला आहे. वूमन्स विंडिजने टीम इंडियाला विजयासाठी 119 धावांचं आव्हान दिलं होतं. टीम इंडियाने हे आव्हान 4 विकेट्सच्या मोबदल्यात 18.1 ओव्हरमध्ये पूर्ण केलं. रिचा घोषने या सामन्यातही आपला तडाखा कायम ठेवत शानदार फलंदाजी केली. रिचा घोष हीने चौकार ठोकत टीम इंडियाला विजय मिळवून दिला. टीम इंडियाचे या विजयासह एकूण 4 पॉइंट्स झाले आहेत.

रिचा घोषचा तडाखा कायम

रिचाने 32 बॉलमध्ये 5 चौकारांच्या मदतीने नाबाद 44 धावांची खेळी केली. रिचाने टीम इंडियाला विजयासाठी अवघ्या काही धावा हव्या असताना चौकार ठोकत शानदार फिनिशिंग टच दिला. रिचाने पाकिस्तान विरुद्धच्या सामन्यात 20 बॉलमध्ये नाबाद 31 धावा केल्या. यामध्ये 5 खणखणीत चौकारांचा समावेश होता.

चौथ्या विकेटसाठी निर्णायक भागीदारी

रिचा आणि कॅप्टन हरमनप्रीत कौर या दोघींनी तिसऱ्या विकेटसाठी निर्णायक भागीदारी केली. या दोघींनी चौथ्या विकेटसाठी 72 धावा जोडल्या. मात्र त्यानंतर हरमनप्रीत 33 धावा करुन बाद झाली.

हे सुद्धा वाचा

IND vs PAK | रिचा आणि जेमीमाहच्या आगीत पाकिस्तान खाक, दोघींनी असं झोडलं

टीम इंडियाच्या नावावर एकूण 4 पॉइंट्स झाले आहेत. तर नेट रनरेट +0.590 इतका आहे. टीम इंडिया बी ग्रुपमध्ये दुसऱ्या स्थानावर आहे.

दरम्यान टीम इंडिया वर्ल्ड कप स्पर्धेतील आपला तिसरा सामना हा 18 फेब्रुवारीला खेळणार आहे. टीम इंडियाचा इंग्लंड विरुद्ध सामना होणार आहे.

टीम इंडिया विरुद्ध इंग्लंड, 18 फेब्रुवारी, संध्याकाळी 6 वाजून 30 मिनिटांनी.

टीम इंडिया विरुद्ध आयर्लंड, 20 फेब्रुवारी, संध्याकाळी 6 वाजून 30 मिनिटांनी.

टीम इंडिया प्लेइंग इलेव्हन : स्मृती मंधाना, शफाली वर्मा, जेमिमा रोड्रिग्स, हरमनप्रीत कौर (कॅप्टन), ऋचा घोष (विकेटकीपर), दीप्ति शर्मा, पूजा वस्त्राकर, देविका वैद्य, राधा यादव, राजेश्वरी गायकवाड आणि रेणुका ठाकूर सिंह.

विडिंज प्लेइंग इलेव्हन : हेले मॅथ्यूज (कॅप्टन), स्टॅफनी टेलर, शेमेन कँपबेल, शबिका गजनबी, चिनले हेनरी, चेडियन नेशन, अफी फ्लेचर, शामिलिया कॉनेल, रशादा विलियम्स (विकेटकीपर), करिश्मा रामहरॅक आणि शकीरा सेलमॅन.