IND vs PAK WC 2023 : वर्ल्ड कपमधील भारत-पाक सामन्याची तारीख बदली, ‘या’ तारखेला होणार महामुकाबला!
World Cup 2023 मधील भारत-पाक हाय व्होल्टेज सामन्याबाबत एक मोठी अपडेट समोर आली आहे. शेड्यूलमध्ये दिलेल्या तारखेनुसार हा सामना ज्या दिवशी होणार होता. त्याआधीच एक दिवस सामन्याचं आयोजन करण्यात येणार असल्याची माहिती आहे.
मुंबई : वर्ल्ड कप 2023 ला काही दिवस राहिले असून हा थरार 5 ऑक्टोबरपासून सुरू होणार आहे. वर्ल्ड कपचं शेड्यूल आलं असून आता सर्व टीम संघबांधणीची तयारी करताना दिसत आहेत. (IND vs PAK WC 2023) मात्र अशातच भारत-पाक हाय व्होल्टेज (INDvs PAK Match) सामन्याबाबत एक मोठी अपडेट समोर आली आहे. शेड्यूलमध्ये दिलेल्या तारखेनुसार हा सामना ज्या दिवशी होणार होता. त्याआधीच एक दिवस सामन्याचं आयोजन करण्यात येणार असल्याची माहिती आहे.
कधी आणि कुठे होणार सामना-
अहमदाबादधील नरेंद्र मोदी स्टेडियमवर हा सामना होणार असून शेड्यूलमध्ये 15 ऑक्टोबरला हा सामना पार पडणार असल्याचं सांगितलं होतं. मात्र यामध्ये आता बदल झाला असून एक दिवस आधी म्हणजेच 14 ऑक्टोबरला हाय व्होल्टेज सामना होणार असल्याची माहिती समजत आहे.
सामन्याची तारीख का बदलली?
15 ऑक्टोबरला नवरात्र उत्सव सुरू होत असून त्या दिवशी पहिला दिवस येत असल्याने हा सामना एक दिवस अगोदर खेळवण्यात येणार असल्याचं समजतं आहे. सुरक्षिततेचं कारणही समोर आलं आहे. 15 च्या ऐवजी ही तारीख 14 ऑक्टोबर झाली असून नरेंद्र मोदी स्टेडिअममध्येच हा सामना पार पडला जाणार आहे. मात्र याबाबत अधिकृत कोणतीही माहिती किंवा घोषणी आयसीसीकडून करण्यात आलेली नाही.
वर्ल्ड कप आधी टीम इंडिया आणि पाकिस्तान संघ आशिया कपमध्ये एकमेकांसमोर आमने-सामने येणार आहेत. यंदाच्या आशिया कपचं यजमानपद हे पाकिस्तान संघाकडे आहे. मात्र बीसीसीआयने पाकिस्तानमध्ये टीम इंडिया जाणार नसल्याचं सांगितलं होतं. त्यानंतर काही टीम इंडियाचे सामने हे पाकिस्तानबाहेर खेळवण्यात येणार असून इतर सामने पाकिस्तानमध्ये खेळवण्यात येणार आहेत.
