AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

WPL 2024, GGT vs UPW : गुजरातने युपीवर मिळवलेल्या विजयाने बंगळुरुचा मार्ग मोकळा! आता करावं लागेल असं काम

वुमन्स प्रीमियर लीग स्पर्धेच्या टॉप 3 साठी चुरस आता आणखी रंगतदार झाली आहे. गुजरात जायंट्सने युपी वॉरियर्सला 8 धावांनी पराभूत केलं. या पराभवामुळे तीन संघांमधील शर्यत अजूनही कायम आहे. त्यामुळे टॉप 3 मधील तिसरा संघ कोणता? हे चित्र दोन सामन्यानंतरच स्पष्ट होईल.

WPL 2024, GGT vs UPW : गुजरातने युपीवर मिळवलेल्या विजयाने बंगळुरुचा मार्ग मोकळा! आता करावं लागेल असं काम
| Updated on: Mar 11, 2024 | 10:40 PM
Share

मुंबई : वुमन्स प्रीमियर लीग स्पर्धेतील चुरस वाढली आहे. मुंबई इंडियन्स आणि दिल्ली कॅपिटल्स हे दोन संघ बाद फेरीत पोहोचले आहेत. पण त्यांच्यातही अव्वल स्थान गाठण्यासाठी चुरस आहे. तर टॉप 3 मध्ये स्थान मिळवण्यासाठी 3 संघामधील स्पर्धा आणखी तीव्र झाली आहे. गुजरात जायंट्सने युपी वॉरियर्स संघाला धावांनी पराभूत केल्याने गुणतालिकेतील गणित जर तरवरच अवलंबून आहे. मुंबई इंडियन्स विरुद्ध रॉयल चॅलेंजर्स बंगळुरु आणि दिल्ली कॅपिटल्स विरुद्ध गुजरात जायंट्स यांच्यातील निकालावर आता सर्वकाही अवलंबून असणार आहे. दरम्यान, गुजरात जायंट्सने नाणेफेीचा कौल जिंकत प्रथम फलंदाजी स्वीकारली. 20 षटकात 8 गडी गमवून 152 धावा केल्या आणि विजयासाठी 153 धावांचं आव्हान दिलं. हे आव्हान गाठताना युपीच्या आघाडीच्या फलंदाजांनी अक्षरश: नांगी टाकली. त्यामुळे धावांमधील अंतर वाढत गेलं. सातव्या षटकात 35 धावांवर निम्मा संघ तंबूत परतला होता. त्यानंतर दीप्ती शर्मा आणि पूनम खेमनार यांनी झुंज देण्याचा प्रयत्न केला पण त्यांना काही यश आलं नाही.

गुजरातकडून सलामीला आलेल्या वॉल्वार्ट आणि बेथ मूनी या जोडीने आश्वासक सुरुवात करून दिली. पहिल्या विकेटसाठी दोघांनी 60 धावांची भागीदारी केली. वॉल्वार्टने 30 चेंडूत 43 धावा केल्या. तर बेथ मूनीने शेवटपर्यंत किल्ला लढवला. 52 चेंडूत नाबाद 74 धावांची खेळी केली. यात 10 चौकार आणि एका षटकाराचा समावेश होता. या व्यतिरिक्त एकही फलंदाज साजेशी कामगिरी करू शकला नाही. हेमलथा 0, फोइबे लिचफिल्ड 4, गार्डनर 15, भारती फुलमली 1, ब्रायस 11, तनुजा कंवर 1 आणि शबनम शकील 0 धावांवर बाद झाली.

युपी वॉरियर्सची सुरुवात एकदमच वाई झाली.अवघ्या धावांवर एलिसा हिली बाद झाली. त्यानंतर किरण नवगिरेला आपलं खातंही खोलता आलं नाही. त्यानंतर आलेली चमिरा अट्टापट्टू आली तशी माघारी परतली. ग्रेस हॅरिसने 1 धावा केली बाद झाली. तर श्वेता सेहरावतने 8 धावा केल्या तंबूत परतली. दीप्ती शर्मा आणि पूनम खेमनारने शेवटपर्यंत झुंज दिली. दीप्ती शर्माने नाबाद 88 आणि पूनम खेमनारने नाबाद 36 धावांची खेळी केली.

रॉयल चॅलेंजर्स बंगळुरुने मुंबई इंडियन्सविरुद्धचा सामना जिंकला तर टॉप थ्रीमधील बंगळुरुचं स्थान निश्चित होईल. पण जर या सामन्यात पराभव झाला तर मात्र रनरेटवर फैसला लागेल. त्यामुळे बंगळुरुचा प्रयत्न मुंबई इंडियन्स विरुद्धचा सामना जिंकण्याचा असेल. दुसरीकडे, टॉपला राहून थेट अंतिम फेरी गाठण्यासाठी मुंबईची धडपड असणार आहे.

दोन्ही संघांची प्लेइंग इलेव्हन

गुजरात जायंट्स (प्लेइंग इलेव्हन): लॉरा वोल्वार्ड, बेथ मुनी (कर्णधार/विकेटकीपर), फोबी लिचफील्ड, दयालन हेमलता, ॲशले गार्डनर, भारती फुलमाली, कॅथरीन ब्राइस, मन्नत कश्यप, तनुजा कंवर, मेघना सिंग, शबनम शकील.

यूपी वॉरियर्स (प्लेइंग इलेव्हन): अलिसा हिली (कर्णधार/विकेटकीपर), किरण नवगिरे, चमारी अथापथू, ग्रेस हॅरिस, दीप्ती शर्मा, श्वेता सेहरावत, पूनम खेमनार, सोफी एक्लेस्टोन, सायमा ठाकोर, राजेश्वरी गायकवाड, अंजली सरवानी.

Follow Us
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा