भारताचा जावई झाला बांगलादेशचा बॉलिंग कोच, आयपीएलमध्ये सर्वात वेगवान गोलंदाजीचा नावावर रेकॉर्ड, कोणत्या देशाची डोकेदुखी वाढणार?

IPL Faster Blower : भारतीय आयपीएलवरील भारत-पाक तणावाचे ओझे एकदाचे उतरले आहे. ही स्पर्धा पुन्हा एकदा रंगात येणार आहे. दरम्यान शेजारील देश बांगलादेशातून एक बातमी समोर येत आहे. आयपीएल हंगामात सर्वात वेगवान गोलंदाजी करणाऱ्या खेळाडूला बांगला संघाचे प्रशिक्षक पद देण्यात आले आहे. हा खेळाडू भारताचा जावई आहे. त्याची नियुक्ती 2027 पर्यंत असेल.

नवीन प्रशिक्षक मिळाला

बांगलादेशाच्या संघात महत्त्वपूर्ण बदल झाले आहेत. शॉन टेट आता गोलंदाजांचे प्रशिक्षक असतील. टेट हा या पदावर 2027 पर्यंत असेल. बांग्लादेश क्रिकेट बोर्डाने हा निर्णय घेतला आहे. त्यामुळे संघाची गोलंदाजी सुधारण्यास मदत होईल. टेट यापूर्वी पाकिस्तान, वेस्ट इंडिज आणि अफगाणिस्तान संघाचे प्रशिक्षक होते. त्यांची नियुक्ती आंद्रे एडम्स याच्या जागेवर होईल. ते मार्च 2024 मध्येच या संघाशी जोडल्या गेले होते.

हे सुद्धा वाचा

काय सांगता! रहस्यमयी शिव मंदिर, 12 वर्षातून वीज दर्शनाला येते, शिवलिंगाचे होतात तुकडे तुकडे, मग काय होते पुढे?

PM Narendra Modi : आम्ही घरात घुसून मारू आणि एक… मोदींचा पाकला थेट इशारा

उन्हाळ्यात ऑर्गेन्झा सारख्या ‘या’ कापडांपासून बनवलेले कपडे परिधान करण्याची करू नका चूक

जर तुम्ही सतत तणावात असाल तर दिवसाची सुरुवात करा ‘या’ 5 मार्गांनी

2007 मधील विश्वचषक विजेत्या संघात

42 वर्षीय शॉन टेट ऑस्ट्रेलियाचा माजी वेगवान गोलंदाज आहे. शोएब अख्तर आणि ब्रेट ली यांच्यासह त्याने क्रिकेट इतिहासात सर्वात वेगवान गोलंदाजी केली आहे. त्याच्या सर्वात वेगवान चेंडूचा वेग 161.1 किलोमीटर प्रति तास इतका होता. हा चेंडू त्याने 2010 मध्ये इंग्लंडविरोधातील सामन्यात फेकला होता. टेट हा विश्वचषक जिंकणाऱ्या ऑस्ट्रेलिया संघाचा भाग होता. त्या मालिकेत टेटने 11 सामन्यात 23 बळी घेतले होते. ऑस्ट्रेलियासाठी टेटने 59 सामने खेळले. त्यात 95 बळी घेतले. आता तो बांगलादेशातील गोलंदाजांना प्रशिक्षण देणार आहे. त्यामुळे हा संघ श्रीलंका, पाकिस्तानसह भारताला डोईजड होण्याची शक्यता वर्तवण्यात येत आहे.

शॉन टेट

टेट याने ऑगस्ट 2013 मध्ये भारतीय मॉडल आणि उद्योजिका माशूम सिंघा सोबत साखरपूडा केला होता. पुढे जून 2014 मध्ये मुंबईत दोघे विवाह बंधनात अडकले. 2010 पासून टेट हा आयपीएल खेळत होता. तो राजस्थान रॉयल्स संघाचा गोलंदाज होता. 2017 मध्ये त्याने भारताचे परदेशी नागरिकत्व मिळवल्याचे जाहीर केले होते.

IPL इतिहासात सर्वात वेगवान गोलंदाज

157.7 किमी/प्रति तास – शॉन टेट

157.3 किमी/प्रति तास – लॉकी फर्ग्युसन

157.0 किमी/प्रति तास – उमरान मलिक

156.2 किमी / प्रति तास – एनरिच नोर्टजे

156 किमी / प्रति तास – उमरान मलिक