IND vs SL: श्रीलंकेविरुद्ध मालिकेसाठी बीसीसीआय तातडीने बदलणार संघ, ऐनवेळी असा निर्णय घेण्यामागचं कारण काय?

आता भारत आणि श्रीलंका यांच्यात कसोटी मालिका रंगणार आहे. या मालिकेला सुरुवात 15 ऑगस्टपासून सुरुवात होणार आहे. आता या मालिकेपूर्वी भारतीय संघ आणि चाहते एका बातमीची आतुरतेने वाट पाहत होते. पण ती बातमी समोर येताच भारतीय संघ आणि चाहत्यांमध्ये निराशा पसरली आहे. श्रीलंकेविरुद्धच्या कसोटी मालिकेच्या सुरुवातीपूर्वी भारतीय क्रिकेट संघाला मोठा धक्का बसला आहे. वेगवान गोलंदाज जसप्रीत बुमराह संपूर्ण कसोटी मालिकेतून बाहेर झाला आहे. वृत्तानुसार, त्याच्या डाव्या गुडघ्याचा त्रास अजूनही कायम असल्याने वैद्यकीय पथकाने त्याला विश्रांती दिली आहे. बुमराहची अनुपस्थिती भारतीय संघासाठी एक मोठे नुकसान आहे. श्रीलंकेविरुद्धचा पहिला सामना 15 ऑगस्ट रोजी सुरू होणार असून, दुसरी कसोटी 23 ऑगस्ट रोजी सुरू होईल.

श्रीलंका मालिकेसाठी कसोटी संघ जाहीर करताना, बीसीसीआयने म्हटले होते की जसप्रीत बुमराहचा सहभाग त्याच्या तंदुरुस्तीवर अवलंबून असेल. काही दिवसांपूर्वी तो पूर्णपणे तंदुरुस्त असल्याची बातमी समोर आली होती, परंतु अलीकडील माध्यमांतील वृत्तांनुसार परिस्थिती वेगळी आहे. बुमराहला अजूनही त्याच्या डाव्या गुडघ्याचा त्रास जाणवत आहे. सेंटर ऑफ एक्सलन्समध्ये प्राथमिक तपासणीनंतर त्याला विश्रांतीचा सल्ला देण्यात आला आहे. परिणामी, बीसीसीआय या वेगवान गोलंदाजाला मैदानात उतरवण्याची घाई करत नाहीये. जसप्रीत बुमराह इंग्लंडविरुद्धच्या एकदिवसीय मालिकेत जखमी झाला होता. पहिले दोन सामने खेळल्यानंतर, त्याने गुडघ्याच्या त्रासाची तक्रार केली आणि खबरदारीचा उपाय म्हणून त्याला तिसऱ्या आणि निर्णायक सामन्यातून वगळण्यात आले.

यापूर्वी त्याला अफगाणिस्तानविरुद्धच्या एकदिवसीय आणि एकमेव कसोटी सामन्यातून विश्रांती देण्यात आली होती. तो आयर्लंड आणि इंग्लंडविरुद्धच्या कसोटी मालिकेतही अनुपस्थित होता. आता या मालिकेकतून कसोटीत पुनरागमन करण्याची संधी होती पण आता ती मिळालेली नाही.

श्रीलंकेविरुद्ध भारतीय संघ शुभमन गिल (कर्णधार), केएल राहुल (उपकर्णधार), यशस्वी जयस्वाल, ऋषभ पंत (यष्टीरक्षक), साई सुदर्शन, ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुथार, जसप्रीत बुमराह*, मोहम्मद सिराज, प्रसिद्ध कृष्णा, गुरनूर ब्रार, देवदत्त पडिक्कल, सारांश जैन.