Pro Kabaddi League PKL 2021-22: फक्त एका पॉईंटने प्रदीप नरवालच्या यूपी योद्धाची पटनावर मात
Pro Kabaddi League PKL 2021-22: प्रदीप नरवालने नऊ यशस्वी रेड करत 12 पॉईंटस मिळवले. पण पटना पायरेटसने आठ वेळा प्रदीप नरवालला टॅकल केले. म्हणजे पकड केली.
बेंगळुरु: शेवटच्या क्षणापर्यंत रोमांचक ठरलेल्या सामन्यात प्रदीप नरवालच्या (Pradeep narwal) यूपी योद्धाने पटना पायरेटसवर (Patna pirates) अवघ्या एका गुणाच्या फरकाने विजय मिळवला. 36-35 असा यूपीने हा सामना जिंकला. यूपी योद्धाच्या रेडरची पटना पायरेटसने पकड केली पण बोनस पॉईंट घेऊन त्यांनी विजय मिळवला. प्रदीप नरवालने नऊ यशस्वी रेड करत 12 पॉईंटस मिळवले. पण पटना पायरेटसने आठ वेळा प्रदीप नरवालला टॅकल केले. म्हणजे पकड केली.
पटनाच्या मोनू गोयतकडून भरपूर अपेक्षा होत्या. पण त्याने फक्त पाच पॉईंटस मिळवले. आजच्या सामन्यात रेड इतक्याच पकडी महत्त्वाच्या ठरल्या. पटनाने रेडमध्ये 17 आणि टॅकलमध्ये 17 गुण मिळवले तर यूपी योद्धाने रेडमध्ये 20 आणि टॅकलमध्ये 13 पॉईंटस मिळवले. दुसऱ्या हाफमध्ये यूपीने टॅकलमध्ये सुधारणा केली.
पहिल्या हाफमध्ये यूपी पेक्षा पटनाचा सरस खेळ पटना पायरेटस विरुद्ध यूपी योद्ध सामन्यात पहिल्या हाफमध्ये पटनाने सरस खेळ केला. ते यूपीच्या तुलनेत तीन गुणांनी पुढे होते. पटना पायरेटसकडे 20-17 अशी आघाडी होती. पटना पायरेटसने टॅकलमध्ये जबरदस्त खेळ केला. पकडीमध्ये त्यांनी तब्बल 10 पॉईंट मिळवले, तेच यूपी योद्ध टॅकलमध्ये फक्त चार पॉईंटस मिळाले. स्टार रेडर प्रदीप नरवालने सुरुवातील चमकदार खेळ केला. पण त्यानंतर पटनाने प्रदीपला वरचढ होण्याची संधी दिली नाही. त्यांनी तीन वेळा प्रदीप नरवालची सुपर टॅकल म्हणजे पकड केली.
