IND Vs AUS 1st Test | ऑस्ट्रेलियाविरुद्ध भारताचा संघ जाहीर, राहुलला डावलल्याने आश्चर्य

India vs Australia 1st test | टीम इंडिया विरुद्ध ऑस्ट्रेलिया यांच्यात 17 डिसेंबरपासून 4 सामन्यांची कसोटी मालिका खेळण्यात येणार आहे.

sanjay patil | Edited By: Sachin Patil | सचिन पाटील | Updated on: Dec 16, 2020 | 6:46 PM

अॅडिलेड : टीम इंडिया विरुद्ध ऑस्ट्रेलिया (India Tour Australia 2020-21) यांच्यात गुरुवारपासून (17 डिसेंबर) कसोटी मालिका खेळण्यात येणार आहे. हा कसोटी सामना डे-नाईट असून पिंक (गुलाबी) चेंडूने खेळण्यात येणार आहे. या पहिल्या कसोटी सामन्यासाठी टीम इंडियाच्या अंतिम 11 खेळाडूंची घोषणा करण्यात आली आहे. बीसीसीआयने ट्विटद्वारे याबाबतची माहिती दिली आहे. Team India final 11 players announced for first Test against Australia in Adelaide

महत्त्वाचं म्हणजे या कसोटीसाठी मुंबईकर पृथ्वी शॉची (Prithvi Shaw) निवड करण्यात आली आहे, तर के एल राहुलला (K L Rahul) बाहेर ठेवल्याने आश्चर्य व्यक होत आहे.

UPDATE?: Here’s #TeamIndia’s playing XI for the first Border-Gavaskar Test against Australia starting tomorrow in Adelaide. #AUSvIND pic.twitter.com/WbVRWrhqwi

— BCCI (@BCCI) December 16, 2020

केएल-गिलला संधी नाही

पहिल्या या कसोटी सामन्यात केएल राहुलला (KL Rahul) आणि शुभमन गिलला (Shubman Gill) संधी देण्यात आली नाही. या दोघांना संधी न दिल्याने या दोघांच्या चाहत्यांकडून नाराजी व्यक्त करण्यात येत आहे.

टीम इंडियाच्या वेगवान गोलंदाजीची मदार उमेश यादव, मोहम्मद शमी आणि जसप्रीत बुमराह यांच्यावर असणार आहे. तर फिरकी गोलंदाजीची जबाबदारी अनुभवी आर आश्विनकडे असणार आहे.

ऋद्धीमान साहाला विकेटकीपर म्हणून संधी

ऋद्धीमान साहा याला पहिल्या कसोटी सामन्यात विकेटकीपर म्हणून संधी देण्यात आली आहे. ऑस्ट्रेलिया ए विरोधातील सराव सामन्यात या दोघांनी चांगली कामगिरी केली होती. त्यामुळे या दोघांकडून विकेटकीपर म्हणून दावेदारी सिद्ध करण्यात आली होती. मात्र टीम मॅनेजमेंटने पंतऐवजी ऋद्धीमान साहावर विश्वास दाखवला आहे.

पहिल्या कसोटीसाठी टीम इंडिया : मयांक अगरवाल, पृथ्वी शॉ, चेतेश्वर पुजारा, विराट कोहली (कर्णधार), अजिंक्य रहाणे (उपकर्णधार), हनुमा विहारी, ऋद्धीमान साहा (विकेटकीपर), आर. अश्विन, उमेश यादव, मोहम्मद शमी, आणि जसप्रीत बुमराह