टीम इंडिया जापानमध्ये असताना भारतीय खेळाडूच्या घराबाहेर पोहोचली तरुणी, गंभीर आरोप केले, काय घडलं?
भारतीय संघ आशियाई क्रीडा स्पर्धेत खेळण्यासाठी सज्ज असताना आता एका खेळाडूवर गंभीर आरोप होत आहे. एक मुलगी चक्क खेळाडूच्या घरी पोहोचली आणि नंतर काय घडलं ते पाहा...
भारतीय संघ सध्या जापानमध्ये आहे. जापावनिरुद्ध एक टी-२० सामना खेळणार आहे. तसेच आशियाई क्रीडा स्पर्धेसाठी भारतीय संघ थेट क्वार्टर फायनलमध्ये पोहोचला आहे. भारतीय संघाने थेट क्वार्टर फायनलमध्ये आपलं स्थान निर्माण केले आहे पण ते कोणत्या संघाविरुद्ध खेळणार आहे ते अद्याप समजले नाही. आता भारतीय संघ तिथे खेळण्यासाठी सज्ज असताना एका महिलेने भारतीय खेळाडूवर गंभीर आरोप केले आहेत.
विप्रज निगम सध्या टीम इंडियासोबत आशियाई क्रीडा स्पर्धेत खेळण्यासाठी जपानमध्ये आहे. मात्र, ज्या महिलेविरुद्ध त्याने उत्तर प्रदेशातील बाराबंकी येथे एफआयआर दाखल केली होती, ती त्याच्या घरी आली. या भारतीय क्रिकेटपटूने त्या महिलेवर फोनवर विविध आरोप केल्याचा आणि धमक्या दिल्याचा आरोप करत गुन्हा दाखल केला होता. विप्रज निगमने एफआयआर दाखल केल्यानंतर, ती महिला त्याला भेटायला त्याच्या घरी आली. ती हाउसिंग कॉलनीमधील त्याच्या घराबाहेर दोन ते तीन तास थांबली.
आता प्रश्न असा निर्माण होतो की, एफआयआर दाखल झाल्यानंतर ती महिला विप्रज निगमच्या घरी का आली? त्या महिलेच्या म्हणण्यानुसार, गोंधळ घालण्याचा तिचा हेतू नव्हता. उलट, तिला क्रिकेटपटूशी बोलून वाद मिटवायचा होता. जेव्हा ती मुलगी विप्रजच्या घरी बोलायला आली, तेव्हा तिथे फक्त त्याची आई उपस्थित होती. नंतर, विप्रजच्या वडिलांनी तिच्याशी फोनवर संवाद साधला. विप्रजच्या वडिलांनी तिला एका आठवड्यानंतर बोलायला सांगितले, त्यानंतर ती महिला परत आली.
हैदराबादची रहिवासी असलेल्या त्या मुलीने ८ नोव्हेंबर २०२५ रोजी बाराबंकी पोलीस ठाण्यात विप्राजविरुद्ध गुन्हा दाखल केला. भारतीय क्रिकेटपटूने आरोप केला की, ती त्याला वेगवेगळ्या नंबरवरून फोन करून त्याच्यावर आरोप करत होती आणि त्याला अडकवण्याची धमकी देत होती.
विप्राजच्या एफआयआरनंतर, त्या मुलीनेही गौतम बुद्ध नगर येथील एक्सप्रेसवे पोलीस ठाण्यात त्याच्याविरुद्ध अत्याचाराचा आरोप करत गुन्हा दाखल केला. तिच्या आरोपांमध्ये, तिने म्हटले आहे की मे २०२५ मध्ये ती इंटरनेटद्वारे त्या भारतीय क्रिकेटपटूच्या संपर्कात आली होती. २९ जुलै २०२५ रोजी, त्या क्रिकेटपटूने तिला लग्नाचे आमिष दाखवून नोएडातील एका हॉटेलमध्ये नेले आणि तिच्यावर बलात्कार केला. तिला मारहाण केल्याचाही तिने आरोप केला. आता, ती मुलगी विप्राजच्या घरी पोहोचल्यानंतर या संपूर्ण घटनेला एक नवीन वळण लागले आहे. हे प्रकरण कोणत्या दिशेने जाते, हे विप्राज निगमच्या कारकिर्दीसाठी महत्त्वाचे ठरेल.
