IPL 2022 Purple Cap : यजवेंद्र चहल विकेट घेणाऱ्यां यादीत अव्वल, पर्पल कॅपसाठी हे गोलंदाज दावेदार

मुंबई – आयपीएल 2022 च्या 20 व्या सामन्यात, मुंबईच्या वानखेडे स्टेडियमवर (Wankhede Stadium Mumbai) खेळल्या गेलेल्या सामन्यात राजस्थान रॉयल्सने लखनौ सुपर जायंट्सचा तीन धावांनी पराभव केला. राजस्थानसाठी युझवेंद्र चहल (Yuzvendra Chahal) हा या सामन्यात सर्वात यशस्वी गोलंदाज ठरला. चहलने या सामन्यात चार षटकांत 41 धावा देत सर्वाधिक चार बळी घेतले. या कामगिरीनंतर चहलकडे आता पर्पल कॅप (Purple Cap) आहे. चहलने कोलकाता नाईट रायडर्सचा वेगवान गोलंदाज उमेश यादवकडून पर्पल कॅप हिसकावून घेतली आहे.

यजवेंद्र चहल विकेट घेणाऱ्यां यादीत अव्वल

चहलने या मोसमात 4 सामन्यांतून 11 विकेट घेतल्या असून सर्वाधिक बळी घेणाऱ्या गोलंदाजांच्या यादीत तो अव्वल स्थानी पोहोचला आहे. उमेशने पाच सामन्यांत 10 बळी घेतले असून तो दुसऱ्या क्रमांकावर घसरला आहे. उमेशने दिल्ली कॅपिटल्सविरुद्ध चार षटकांत 48 धावा देत विकेट घेतली. त्याचबरोबर या सामन्यात चार षटकात 35 धावा देऊन चार विकेट घेणारा दिल्ली कॅपिटल्सचा चायनामन गोलंदाज कुलदीप यादव आता मोसमातील आघाडीच्या बळींच्या बाबतीत तिसऱ्या क्रमांकावर पोहोचला आहे. कुलदीप यादवच्या नावावर आता चार सामन्यांत 10 बळी आहेत.

पर्पल कॅपसाठी हे गोलंदाज दावेदार

या मोसमात सर्वाधिक विकेट्स घेण्याच्या बाबतीत सध्या भारतीय गोलंदाजांचा दबदबा आहे. यामध्ये कुलदीप यादव आणि युझवेंद्र चहल टॉप तीनमध्ये सामील झाले आहेत. बंगळुरूचा फिरकीपटू वानिंदू हसरंगाने मुंबई इंडियन्सविरुद्ध चार षटकांत 28 धावांत दोन बळी घेतले. आयपीएल पर्पल कॅप 2022 च्या शर्यतीत हसरंगा चौथ्या क्रमांकावर घसरला आहे. लखनौ सुपर जायंट्सचा आवेश खान पाच सामन्यांत आठ विकेट्स घेऊन पाचव्या क्रमांकावर आहे.

Nagpur Metro Video | नागपूर मेट्रोच्या लिफ्टिंग होलमधून वाळू पडतेय, सोशल मीडियावर व्हिडीओ व्हायरल

Petrol Diesel Rate: इंधन दरवाढीला ब्रेक, सलग सहा दिवसांपासून पेट्रोल, डिझेलच्या भावात वाढ नाही; सर्वसामान्यांना मोठा दिलासा

Pakistan Political Crisis : इम्रानचा पायउतार, शाहबाजचे आगमन, वाचा पाकिस्तानमधील राजकीय नाटकाची महिनाभराची कथा