फुटबॉल चाहत्यांसाठी एअरटेलने सादर केला 40 दिवसांची वैधता, ZEE5 आणि डेली डेटासह नवीन रिचार्ज प्लॅन

तुम्हाला घरबसल्या फिफा विश्वचषक 2026 चे लाईव्ह सामने पाहायचा आहे, पण तुमच्याकडे ZEE5 चे सबस्क्रिप्शन नाही? ही समस्या सोडवण्यासाठी एअरटेलने 798 रूपये किमतीचा एक नवीन प्रीपेड प्लॅन सादर केला आहे. भारतात फुटबॉलप्रेमींची संख्या झपाट्याने वाढत आहे. ही वाढती लोकप्रियता लक्षात घेऊन देशातील दोन सर्वात मोठ्या टेलिकॉम कंपन्या रिलायन्स जिओ आणि भारती एअरटेल यांनी त्यांच्या ग्राहकांसाठी विशेष फुटबॉल प्लॅन्स घेऊन आले आहेत. या नवीन प्लॅनद्वारे कंपनी अशा लोकांवर लक्ष केंद्रित करत आहे ज्यांना फिफा विश्वचषक 2026 पाहायचा आहे. पण त्यांच्याकडे ZEE5 प्रवेश उपलब्ध नाही. हा एक डेटा पॅक आहे जो डेटा आणि ओटीटी दोन्ही फायदे देईल. या प्लॅनसाठी आपल्या नंबरवर एक सक्रिय प्लॅन असणे आवश्यक आहे. चला तर मग या प्लॅनचे फायदे आपण आजच्या लेखात जाणून घेऊयात.

एअरटेल 798 रूपयांच्या प्लॅन माहिती

जर तुमच्याकडे एअरटेल प्रीपेड सिम असेल तर या प्लॅनची ​​वैधता 40 दिवसांची आहे. किंमत पाहता तुम्हाला वैधता कमी वाटत असली तरी या प्लॅनमध्ये तुम्हाला उत्तम फायदे मिळतील. जसे की यात दररोज 1 जीबी हाय-स्पीड डेटासह महत्त्वपूर्ण फायदे मिळतात. 40 दिवसांची वैधता आणि दररोज 1 जीबी डेटासह या प्लॅनमध्ये एकूण 40 जीबी डेटा मिळणार आहे. याव्यतिरिक्त तुम्हाला या प्लॅनमध्ये ZEE5 चा ॲक्सेस देखील मिळेल, ज्यामुळे तुम्ही फिफा विश्वचषक 2026 कोणत्याही परिस्थितीत पाहू शकाल.

जिओचा 798 रूपयांच्या प्लॅनचा माहिती

फुटबॉलप्रेमींना लक्ष केंद्रित करून रिलायन्स जिओचा 798 रुपयांचा प्लॅनही बाजारात नुकताच सादर करण्यात आला आहे. या प्लॅनमध्ये दररोज 1 जीबी डेटा मिळतो आणि त्याची वैधता 40 दिवसांची आहे.

तुम्हाला किती दिवसांसाठी ZEE5 सबस्क्रिप्शन मिळेल?

जरी या प्लॅनमध्ये 40 दिवसांची वैधता असली तरी तुम्हाला 90 दिवसांसाठी ZEE5 चा ॲक्सेस मिळणार आहे. एअरटेलप्रमाणेच हा जिओ प्लॅनदेखील प्रीपेड वापरकर्त्यांना तीन महिन्यांसाठी ZEE5 चा मोफत प्रवेश दिला जाईल.