एअरटेल समर ओटीटी सेल, 20 ॲप्ससह एक्सस्ट्रीम प्ले प्रीमियम मिळवा फक्त इतके रुपये प्रति महिना

फ्लिपकार्ट आणि ॲमेझॉनप्रमाणेच एअरटेलनेही ग्राहकांना आकर्षित करण्यासाठी सेल सुरू केला आहे. हा सेल कोणत्याही फोन किंवा घरगुती उपकरणांसाठी नसून, ओटीटी प्लॅन्ससाठी आहे. कंपनीने मर्यादित कालावधीसाठी समर ओटीटी सेल सुरू केला असून, यामध्ये एअरटेल एक्सस्ट्रीम प्ले प्रीमियम फक्त 99 रुपये प्रति महिना दरात मिळत आहे. याची नियमित किंमत 149 रुपये प्रति महिना आहे. 99 रुपयांमध्ये कंपनी 20 ओटीटी ॲप्सचा मोफत ॲक्सेस देणार आहे. चला तर मग आजच्या लेखात आपण या प्लॅनमध्ये आणखीन कोणते फायदे होणार आहेत ते जाणून घेऊयात.

एअरटेल समर ओटीटी सेल

या ऑफरमध्ये आगामी कंटेंट देखील दाखवण्यात आलेला आहे, ज्यामध्ये ‘गुल्लक सीझन 5’ आणि India Women Tour of England चा समावेश आहे. कमी किमतीत ओटीटी ॲक्सेस शोधणाऱ्यांसाठी ही एअरटेल ऑफर सर्वाधिक आकर्षक ठरेल. या ऑफरबाबत कंपनीकडून कोणतेही अधिकृत प्रेस रिलीज जारी करण्यात आलेले नाही, परंतु ऑफरबद्दलची माहिती एअरटेल इंडियाच्या फेसबुक पेजवर आणि AirtelXstream.in वर उपलब्ध आहे.

कोणते ओटीटी फायदेशीर आहेत?

एअरटेल एक्सस्ट्रीम प्ले तुम्हाला प्रीमियम कंटेंट लायब्ररी आणि पार्टनर ओटीटी प्लॅटफॉर्म्सचा ॲक्सेस देतो. हा 99 रूपयांचा प्लॅन एका महिन्यासाठी वैध आहे आणि या एका महिन्यात तुम्हाला Sony LIV, , लायन्सगेट प्ले, aha, Sun NXT, हंगामा, Eros Now, EPIC ON, ShemarooMe, Chaupal, Playflix, ShortsTV, ManoramaMAX, Ultra, Klikk, Raj Digital TV, DocuBay, NammaFlix, Jojo, Addatimes आणि Times Play यांसारख्या ओटीटी प्लॅटफॉर्म्सचा ॲक्सेस दिला जाईल.

कुठून रिचार्ज करायचे?

जर तुम्हाला ही ऑफर आवडली असेल आणि तुम्ही रिचार्ज करण्याचा विचार करत असाल, तर तुम्ही अधिकृत एअरटेल Extreme.in वेबसाइटद्वारे याचा लाभ घेऊ शकता. 99 रूपये किंमतीच्या आणि एका महिन्यासाठी वैध असलेल्या या प्लॅनचा खर्च अंदाजे दररोज 3.30 रूपये येतो. कंपनी 279 रूपयांचा प्लॅन देखील देते, ज्यामध्ये Jio Hotstar, Zee5 आणि Netflix सारख्या ॲप्सचाही समावेश आहे. ₹279 च्या प्लॅनचा खर्च अंदाजे दररोज 9.30 रूपये येतो.