Apple ने ‘हा’ अॅप स्टोअरमधून हटवला, युजर्सची माहिती लीक होण्याची शक्यता

या अॅपच्या माध्यमातून संयुक्त अरब अमीरात सरकार युजर्सच्या प्रत्येक हालचालींवर लक्ष ठेवण्यासाठी या अॅपचा वापर करत होते, असं न्यूयॉर्क टाईम्सने दिलेल्या वृत्तात म्हटलं आहे.

Apple ने 'हा' अॅप स्टोअरमधून हटवला, युजर्सची माहिती लीक होण्याची शक्यता

नवी दिल्ली : स्मार्टफोन कंपनी अॅपलने आपल्या प्ले स्टोअरमधून ToTok नावाचा सौदी अरबचा चाटिंग अॅप हटवला (Apple Delete totok app) आहे. या अॅपमुळे युजर्सच्या फोनमधील डेटा लीक होण्याची शक्यता आहे, असं न्यूयॉर्क टाईम्सने एका वृत्तात म्हटले आहे. या वृत्तानंतर अॅपलकडून तातडीने हा अॅप हटवण्यात (Apple Delete totok app) आला आहे.

या अॅपच्या माध्यमातून संयुक्त अरब अमीरात सरकार युजर्सच्या प्रत्येक हालचालींवर लक्ष ठेवण्यासाठी या अॅपचा वापर करत होते, असं न्यूयॉर्क टाईम्सने दिलेल्या वृत्तात म्हटलं आहे. यूरोप, आशिया, अफ्रिका आणि नॉर्थ अमेरिकेत या अॅपचे मोठ्या प्रमाणात युजर्स आहेत. तसेच युनायटेड स्टेटमध्ये हा अॅप सर्वाधिक वेळा डाऊनलोड करण्यात आला आहे.

अॅपच्या मागे हॅकिंग कंपनी

हा अॅप युजर्सची चाटिंग, लोकेशन, रिलेशनशिप, आवाज आणि फोटो ट्रॅक करत होता, असं न्यूयॉर्क टाईम्सने म्हटलं आहे. Breej Holding कंपनीने हा अॅप तयार केला आहे, अशी माहिती न्यूयॉर्क टाईम्सच्या कम्प्युटर सुरक्षा तज्ञांनी संशोधन केल्यावर समोर आली आहे.

Breej Holding ही अबू धाबीमधील कम्प्युटर इंटेलिजेन्स आणि हॅकिंग कंपनी Dark Matter सोबत जोडलेली आहे. ही माहिती समोर आल्यावर अॅपलशिवाय गुगलनेही अँड्रॉईड प्ले स्टोअरमधून हा अॅप हटवला आहे.

Published On - 9:00 am, Tue, 24 December 19

Click on your DTH Provider to Add TV9 MARATHI