iPhone वापऱ्यांसाठी महत्वाची बातमी! आता हे फोनही कंपनी दुरुस्त करू शकणार नाही
अशी सर्व उत्पादने विंटेज म्हणून घोषित केली जातील, ज्यांची विक्री कंपनीने 5 वर्षांपेक्षा जास्त आणि 7 वर्षांपेक्षा कमी काळासाठी थांबवली आहे.
मुंबई : मोठा आणि महागडा मोबाईल म्हटलं की डोळ्यासमोर चटकन अॅपल (Apple) कंपनीच्या आयफोनचं (iPhone) नाव समोर येतं. आयफोन म्हणजे आजकाल प्रतिष्ठेची गोष्ट झाला आहे. प्रत्येकाला आयफोन हवा असतो. अलीडेच अगदी सर्रासपणे पालक देखील मुलांना आयफोन घेताना दिसून येतात. दरम्यान, याच वापरकर्त्यांसाठी महत्वाची बातमी आहे. अॅपल दरवर्षी आयफोनचे नवीन प्रकार बाजारात आणत असतो. या वर्षी कंपनी आपला नवीन iPhone 14 लाँच करायचा आहे. याशिवाय कंपनी (Company) जुन्या आयफोनबाबतही अनेक महत्त्वाचे निर्णय घेण्याची शक्यता आहे. यामध्ये सर्वात महत्त्वाची गोष्ट म्हणजे अॅपलने आपल्या जुन्या आयफोनची सेवा बंद केली आहे.
अॅपलने काय म्हटलंय?
Apple सपोर्ट पेजवर दिलेल्या माहितीनुसार, ‘अशी सर्व उत्पादने विंटेज म्हणून घोषित केली जातील, ज्यांची विक्री कंपनीने 5 वर्षांपेक्षा जास्त आणि 7 वर्षांपेक्षा कमी काळासाठी थांबवली आहे. जर एखादे उत्पादन 7 वर्षांपेक्षा जास्त काळ बंद केले असेल, तर अशा कोणत्याही उत्पादनाचे हार्डवेअर सेवा दिली जाणार नाही.’ असं अॅपल कंपनीने म्हटलंय. त्यामुळे ज्यांच्याकडे जुना आयफोन आहे. त्यांचा आयफोन आता काहीही कामाचा नाही राहिलाय. कारण, तो रिपेअर देखील आता होऊ शकणार नाही. त्यामुळे जुना फोन घेत असाल तर खात्रीने आणि त्याचं मॉडेल चेक करून घ्या.
या उत्पादनांची सेवा दिली जाणार नाही
- iPhone 4 (8GB)
- iPhone 4S
- iPhone 5
- iPhone 5C
- iPhone 6 Plus
अॅपलने गेल्या वर्षी यादी देखील जारी केली होती
- iPhone 3G (8GB, 16GB)
- iPhone 3GS (8GB, 16GB, 32GB)
- iPhone 4 GSM (8GB
कंपनी चांगली सूटही देते
अॅपल कंपनी आपली उत्पादने दर्जेदार आणि जास्त काळ टिकेल अशी बनवते. पण काही काळानंतर कंपनी त्याचे अपडेट्स देणे बंद करते. तसेच, अॅपल या उत्पादनांसाठी हार्डवेअर पुरवत नाही. उपकरणाची कार्यक्षमता राखण्यासाठी कंपनी वेळोवेळी दोषांचे निराकरण करते. त्यामुळे कंपनीने सॉफ्टवेअर अपडेट देणे बंद केले असेल तर तुम्ही ते अपग्रेड करा असा सल्ला दिला जातो. अॅपलने आयफोन वापरकर्त्यांसाठी ‘ट्रेड इन’चा पर्यायही दिला आहे . या पर्यायांतर्गत तुम्ही जुना आयफोन अपग्रेड करू शकता आणि त्या बदल्यात कंपनी चांगली सूटही देते. यासोबतच इतर ई-कॉमर्स साइट्सवरही एक्सचेंज ऑफर्स चालू राहतात. सध्या फ्लिपकार्टवर आयफोन अपग्रेड करण्यासाठी चांगली ऑफर आहे.
