Jio ची धमाल, इतक्या स्वस्त फोनमध्ये WhatsApp चालवा

नवी दिल्ली | 8 नोव्हेंबर 2023 : Reliance Jio ने काही दिवसांपूर्वी अत्यंत किफायतशीर किंमतीत JioPhone Prima 4G लाँच केला होता. आज 8 नोव्हेंबर रोजी या स्वस्त फोनची विक्री सुरु झाली आहे. तुमचे बजेट तीन हजार रुपयांपेक्षा पण कमी असले तरी तुम्हाला हा फोन मिळू शकतो. हा स्वस्तातील फोन तुमच्या पसंतीला उतरु शकतो. हा 4जी फोन आहे. या फोनमध्ये WhatsApp आणि Facebook सारखी ॲप पण सहज चालवू शकता. JioPhone Prima 4G हा फोन तुम्ही स्वस्तात खरेदी कराल. तर तुम्हाला या फोनमध्ये इतर पण फीचर्स मिळतील. काय आहेत हे फीचर..

JioPhone Prima 4G फीचर्स

• जिओच्या या किफायतशीर JioPhone Prima 4G मोबाईलमध्ये 320×240 पिक्सल रिझॉल्यूशनची टीएफटी स्क्रीन देण्यात आली आहे. 3 हजारांपेक्षा कमी किंमतीच्या या 4जी फोनमध्ये 1800 एमएएच ची बॅटरी देण्यात आली आहे.
• या फोनमध्ये 23 भाषा आहेत. तुम्ही आवडीची भाषा निवडून हा फोन चालवू शकता. या फोनमध्ये 0.3 मेगापिक्सलचा कॅमेरा देण्यात आला आहे. कमी बजेटमध्ये हा कॅमेरा सेन्सर देण्यात आला आहे.
• स्पीड आणि मल्टिटास्किंगसाठी जिओफोन प्राईमा 4जीमध्ये ARM कोर्टेक्स ए53 प्रोसेसर देण्यात आला आहे. इतकेच नाही तर मायक्रोएसडी कार्डच्या मदतीने या फोनमध्ये 128 जीबीपर्यंत स्टोअरेज वाढवता येते.
• कनेक्टिव्हिटीसाठी ब्लूटूथ व्हर्जनला 5.3 सपोर्ट आहे. यासोबतच वायर्ड मायक्रोफोन कनेक्ट करण्यासाठी 3.5 मिलीमीटर हेडफोन जॅक आणि एफएम रेडिओसारख्या सुविधा देण्यात आल्या आहेत.
• जिओफोन प्राईमामध्ये एफएम रेडिओ देण्यात आला आहे. ग्राहकांना या फोनमध्ये त्यांची आवडती चॅनेल्स सुद्धा बघता येईल. या फोनमध्ये जिओटीव्ही, जिओसिनेमा, जिओसिनेमा, जिओसावन आणि जिओन्यूज सारखे अ‍ॅप्स पण देण्यात आले आहे. हा एक प्रीमियम डिझाईन असलेला फिचर फोन आहे. या फोनमध्ये युट्यूब पण चालेल.

JioPhone Prima 4G ची किंमत काय

या फोनची किंमत ऐकून तुम्हाला विश्वास बसणार नाही. हा किफायतशीर फोन अवघ्या 2 हजार 599 रुपयांना मिळेल. हा फोन ग्राहकांना Reliance Digital आणि JioMart च्या अधिकृत वेबसाईटवर उपलब्ध आहे. हा फोन इतर ई-कॉमर्स संकेतस्थळावर Amazon वर पण मिळेल.