Phone-Pe चा IPO लवकरच येणार, संपूर्ण माहिती जाणून घ्या

PhonePe IPO: तुमच्यासाठी एक खास बातमी आहे. फोनपेचा IPO येत आहे. भारतातील सर्वात मोठी फिनटेक कंपनी फोनपे IPO लाँच करण्याच्या तयारीत आहे. कंपनीने आपल्या संभाव्य प्रारंभिक सार्वजनिक ऑफरची (IPO) तयारी देशाच्या शेअर बाजारात सूचीबद्ध करण्याची तयारी सुरू केली आहे. 2023 मध्ये झालेल्या शेवटच्या फायनान्सिंग राऊंडमध्ये कंपनीचे मूल्य 12 अब्ज डॉलर होते.

कंपनी आपल्या संभाव्य IPO संदर्भात प्राथमिक पावले उचलत असून भारतीय शेअर बाजारात सूचीबद्ध होण्याची योजना आखत आहे. यावर्षी कंपनी 10 वा वर्धापनदिन साजरा करणाऱ्या कंपनीसाठी ही एक महत्त्वाची संधी आहे. नाविन्यपूर्ण वित्तीय सेवा आणि तंत्रज्ञान सोल्यूशन्ससह लाखो ग्राहकांना सेवा देण्यासाठी कंपनी वाढली आहे.

डिसेंबर 2022 मध्ये फोनपे सिंगापूरहून भारतात आला. त्यासाठी त्यांना सरकारला सुमारे 8 हजार कोटी रुपयांचा कर भरावा लागला होता. बेंगळुरू स्थित ही कंपनी देशातील सर्वात मोठी डिजिटल पेमेंट सेवा देणारी कंपनी आहे. ज्याचा युनिफाइड पेमेंटइंटरफेस (UPI) मध्ये सुमारे 48 टक्के बाजार हिस्सा आहे.

फोनपे हा नॅशनल पेमेंटकॉर्पोरेशन ऑफ इंडिया (NPCI) द्वारे चालविला जाणारा रिअल-टाइम मोबाइल पेमेंट प्लॅटफॉर्म आहे. तर गुगल पे या क्षेत्रात दुसऱ्या क्रमांकावर आहे, ज्याचा मार्केट शेअर जवळपास 37 टक्के आहे.

वर्चस्व संपुष्टात आणण्याच्या प्रयत्नात NPCI UPI मध्ये स्पर्धा वाढावी आणि या क्षेत्रातील दोन्ही कंपन्यांचे वर्चस्व संपुष्टात यावे यासाठी NPCI सातत्याने इतर फिनटेक अ‍ॅप्सना प्रोत्साहन देत आहे. यापूर्वी NPCI ने असा नियम केला होता की, कोणत्याही नॉन-बँक थर्ड पार्टी अ‍ॅपचा 30 टक्क्यांपेक्षा जास्त मार्केट शेअर असू शकत नाही.

मात्र, या नियमाची अंमलबजावणी करणे अवघड झाले आणि NPCI ला दोनवेळा मुदतवाढ द्यावी लागली. ग्राहकांची गैरसोय होऊ शकते म्हणून नुकतीच मुदतवाढ 31 डिसेंबर 2024 पर्यंत देण्यात आली होती.

फोनपेच्या IPO वर परिणाम फोनपेचे संस्थापक समीर निगम यांनी सांगितले होते की, जोपर्यंत मार्केट शेअरच्या मर्यादेबाबत स्पष्टता येत नाही तोपर्यंत कंपनी IPO (इनिशिअल पब्लिक ऑफरिंग) लाँच करणार नाही. ते म्हणाले, ‘UPI वरील 30 टक्के मार्केट शेअरची मर्यादा हे आमच्यासाठी मोठे आव्हान आहे.

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)