थंडीत उबदार हवा देतात ‘हे’ Air Conditione, जाणून घ्या कसं?

हिवाळ्याच्या दिवसांमध्ये थंडीपासून बचाव करण्यासाठी अनेकांच्या घरात रूम हिटर असते. जेणे करून हिवाळयात घरातील वातावरण हे उबदार राहते. तर अनेक ठिकाणी थंडीचा कडाका देखील खूप वाढला आहे. यासाठी तुम्ही सुद्धा तुमच्या घरासाठी रूम हीटर किंवा हॉट एअर कंडिशनर खरेदी करण्याच्या विचार करत असाल तर ही बातमी तुमच्यासाठी आहे. आम्ही तुम्हाला अशा एअर कंडिशनरबद्दल सांगणार आहोत जे तुम्हाला थंडीत उबदारपणा तर देतीलच. त्याऐवजी उन्हाळ्यात थंडावा देखील देतील. त्यामुळे तुमच्यासाठी हिवाळ्यात आणि उन्हाळयात या दोन्ही ऋतूत काम करणारा एअर कंडिशनर खरेदी करणे फायदेशीर ठरू शकते. हे एसी कसे काम करतात ते जाणून घेऊयात.

बाजारात अनेक प्रकारचे एअर कंडिशनर आहेत, जे हिवाळा आणि उन्हाळा या दोन्ही ऋतूंमध्ये काम करतात. अशावेळी जर तुम्ही एसी घेण्याचे ठरवत असाल तर असा एअर कंडिशनर निवड जो हिवाळ्यात उबदार हवा देईल आणि उन्हाळ्यात थंडावा देईल. एकाच एअर कंडिशनर मध्ये असे दोन फिचर असतात त्यांना हॉट अँड कोल्ड एसी किंवा इन्व्हर्टर एसी म्हणतात.

एअर कंडिशनर कसे कार्य करते?

दोन्ही ऋतूत काम करणारा एसी थंड हवामानात कॉम्प्रेसरच्या माध्यमातून बाहेरची हवा खेचून खोलीत उबदारपणा निर्माण करते. त्याचबरोबर इन्व्हर्टर तंत्रज्ञान असलेल्या एसीमध्ये स्मार्ट कॉम्प्रेसर असते, जे बाहेरच्या तापमानानुसार एसीचा वेग स्वतः कंट्रोल करून खोलीत उबदार हवा देते. याशिवाय हे हॉट आणि कोल्ड एसी सामान्य हीटरपेक्षा कमी वीज घेतात आणि खोली लवकर उबदार करतात.

हे सामान्य एसीपेक्षा कसे वेगळे आहे?

नॉर्मल एसीचा वापर आपण फक्त उन्हाळ्यातच करू शकतो. तसेच हॉट अँड कोल्ड एसी किंवा इन्व्हर्टर एसी हे उन्हाळ्याव्यतिरिक्त हिवाळ्यात गरम आणि उन्हळ्यात थंड वातावरण तयार करतात. याशिवाय या एसीमध्ये एनर्जी एफिशिएंट हाय असल्याने विजेचा कमी वापर होतो. त्यामुळे तुम्हाला खास करून थंडीच्या दिवसात हीटर, रूम हीटर बसवताना त्यावर वेगळे पैसे खर्च करावे लागणार नाहीत.