BSNL ची आतापर्यंतची सर्वात मोठी ऑफर; 30 दिवसांसाठी सर्वकाही Free!
बीएसएनएल कंपनीने नवीन ग्राहकांसाठी एक उत्तम ऑफर सादर केली आहे. आता 31 मे पर्यंत तुम्हाला एक बीएसएनएल सिम पूर्णपणे मोफत मिळू शकते.
टेलिकॉम कंपनीमध्ये बीएसएनएल त्यांच्या ग्राहकांना कमी किमतीचे प्रीपेड प्लॅन्स देण्यासाठी खूप लोकप्रिय आहे. ही कंपनी कमी किमतीत उत्कृष्ट फायदे देणारे प्लॅन्स नेहमी त्यांच्या ग्राहकांसाठी लाँच करत असते. इतकेच नाही, तर ती विविध ऑफर्सही देते. अलीकडेच एक रुपयाची फ्रीडम ऑफर सादर केल्यानंतर, आता ती आणखी एक अनोखी ऑफर घेऊन आले आहे. ती म्हणजे जे नवीन ग्राहक पहिल्यांदाच बीएसएनएलचे नवीन सिम घेण्याच्या तयारीत आहेत त्यांच्यासाठी ही ऑफर उत्तम आहे. कारण या ऑफरअंतर्गत, कंपनी मोफत डेटा आणि कॉलिंग देत आहे. चला या ऑफरमुळे होणाऱ्या फायद्यांविषयी जाणून घेऊयात.
बीएसएनएलने एक्स (X) वर एक व्हिडिओ पोस्ट केला आहे, ज्यामध्ये या ऑफरच्या वैधतेच्या कालावधीची माहिती दिली आहे. कंपनीच्या म्हणण्यानुसार नवीन ग्राहक 31 मे पर्यंत या ऑफरचा लाभ घेऊ शकता. या ऑफरअंतर्गत कंपनी एक मोफत बीएसएनएल सिम देत आहे. कंपनी 30 दिवसांच्या वैधतेसह, दररोज 2 जीबी हाय-स्पीड डेटा, अनलिमिटेड व्हॉइस कॉलिंग आणि दररोज 100 एसएमएस देईल.
दररोज २ जीबी हाय-स्पीड डेटासह हा प्लॅन एकूण 60 जीबी हाय-स्पीड डेटा देतो. याव्यतिरिक्त दररोज 100 एसएमएससह हा प्लॅन 30 दिवसांमध्ये एकूण 3000 एसएमएस मिळतात. हे लक्षात घेण्यासारखे आहे की ही ऑफर नवीन ग्राहकांसाठी आहे. तुम्ही जर बीएसएनएलचे आधीपासून ग्राहक असाल तर तुम्हाला याचा लाभ घेता येणार नाही. कंपनी या प्लॅनसोबत एक मोफत 4G सिम कार्ड देखील देत आहे. कंपनीने सांगितले आहे की ही ऑफर 22 मे ते 30 जून पर्यंत उपलब्ध आहे. या प्लॅनबद्दल अधिक माहितीसाठी तुमच्या जवळच्या बीएसएनएल ऑफिस किंवा रिटेल स्टोअरला भेट द्या. ही ऑफर फक्त एका दिवसासाठी उपलब्ध आहे.
एअरटेल-व्हीआय-जिओकडेही अशी ऑफर आहे का?
ही ऑफर 31 मे नंतरही सुरू राहील की नाही हे सध्या अज्ञात आहे, परंतु तुम्हाला या ऑफरचा लाभ घ्यायचा असेल, तर तुम्ही या संधीचा फायदा घेऊ शकता. रिलायन्स जिओ, एअरटेल किंवा व्होडाफोन आयडियाकडे नवीन ग्राहकांसाठी अशा कोणत्याही ऑफर्स नाहीत.
