VIDEO : आता प्राण्यांनाही चढलाय फिटनेसचा फिव्हर, कुत्रा आणि मांजराचा हा मजेशीर व्हिडिओ पहाच !

रोजचे धावपळीचे आयुष्य, वारंवार उद्भवणाऱ्या तब्येतीच्या तक्रारी यामुळे आजकाल प्रत्येक जण फिटनेसच्या बाबतीत अधित जागृक झाला आहे. याशिवाय महिलांमध्ये सडपातळ दिसण्याकडे आणि पुरुषांमध्ये बॉडी बिल्डर बनण्याकडे कल अधिक वाढला आहे. मात्र केवळ माणसंच नाही तर प्राणीही आता फिटनेस प्रेमी (Fitness Lover) झाल्याचे दिसून येत आहे. सोशल मीडियावर व्हायरल (Video Viral on Social Media) होत असलेल्या व्हिडिओची सध्या जोरदार चर्चा होत आहे. कुत्रा आणि मांजराचा वॉक (Dog and Cat Walk on Treadmill) करतानाचा मजेशीर व्हिडिओ सोशल मीडियावर सर्वांनाच भुरळ घालत आहे.

काय आहे व्हिडिओमध्ये?

सोशल मीडियावर व्हायरल होत असलेल्या या व्हिडिओमध्ये एक कुत्रा आणि एक मांजर ट्रेडमिलवर चालताना दिसत आहे. प्राणी नैसर्गिकरित्याच फिट असतात. मात्र या व्हिडिओत वेगळेच चित्र दिसत आहे.

Health is important, stay focused irrespective of obstacles…. pic.twitter.com/4apTclek9p

— Dr.Samrat Gowda IFS (@IfsSamrat) October 22, 2022

हा व्हिडिओ आयएफएस अधिकारी सम्राट गौडा यांनी आपल्या सोशल मीडिया अकाऊंटवर शेअर केला आहे. सम्राट गौडा अनेकदा सोशल मीडियावर प्राण्यांचे मजेदार व्हिडिओ पोस्ट करतात. नुकताच कुत्रा आणि मांजराचा शेअर केलेला हा व्हिडिओ लोकांना खूप आवडत आहे.

कुत्रा ट्रेडमिलवर आरामात चालताना दिसतोय

व्हिडिओमध्ये ट्रेडमिलवर कुत्रा आरामात चालताना दिसत आहे. मात्र मांजर त्यावरुन खाली पडत असून पुन्हा चालण्याचा प्रयत्न करत आहे. पण तिला ट्रेडमिलवर चढता येत नाही.

व्हिडिओत कुत्र्याचे हावभाव पाहून असे वाटते, जणू काही कुत्रा मांजराला ट्रेडमिलवर कसे चालवायचे हे शिकवत आहे. पण मांजर शिकू शकत नाही. मांजर वारंवार अडखळते आणि खाली पडते.

ती एक-दोनदा कुत्र्याचा पाय पकडते, मात्र तरीही ती चढू शकत नाही आणि खाली बसते. शेवटी, ती प्रयत्न करते आणि आधी पुढचे दोन्ही पाय वर करून आणि नंतर मागचे दोन्ही पाय वर करून ट्रेडमिलवर चढते आणि चालायला लागते.

सोशल मीडियावर व्हिडिओला पसंती

सोशल मीडियावर या व्हिडिओला अधिक पसंती मिळाली आहे. या व्हिडिओला 1500 व्ह्यूज मिळाले असून अनेक कमेंट्सही मिळाल्या आहेत.