Assam Police Viral Post: आसाम पोलिसांचं वॉर ऑन ड्रग्ज! फिर हेराफेरीच्या कचरा सेठचं मिम पोस्ट करून वॉर्निंग

Viral Post: आजकाल विविध राज्यांचे पोलीस विभाग या समस्यांबाबत जनजागृती करण्यासाठी सर्जनशील पद्धतींचा अवलंब करत आहेत. मुंबई, पुणे आणि दिल्ली पोलिस त्यांच्या मजेदार आणि विनोदी सोशल मीडिया पोस्टसाठी (Social Media Post) ओळखले जातात, ज्याचा उद्देश नागरिकांचे संरक्षण करणे आणि नियमांबद्दल जागरूकता वाढविणे हा आहे. आता अमली पदार्थ माफियांना सावध करण्यासाठी आणि ड्रग्जविरोधातील (Drugs) लढाईला बळ देण्यासाठी ‘फिर हेरा फेरी’ (Phir Hera Pheri) या चित्रपटाच्या मीमचा वापर करण्याचा निर्णय आसाम पोलिसांनी घेतला आहे. पोलिसांची ही अनोखी पद्धतीची वॉर्निंग प्रचंड प्रमाणात व्हायरल होत आहे. हे पोस्टर कॉमेडी असल्यानं नागरिकांचं देखील लक्ष वेधून घेतंय.

आसाम पोलिसांनी काय लिहिले?

आसाम पोलिसांनी अंमली पदार्थांच्या ज्वलनातून चित्रपटाच्या कचरा शेठसोबतचा एक फोटो शेअर केला आहे  पार्श्वभूमी ही एक प्रतिमा आहे जी आसाम पोलिसांकडून मोठ्या प्रमाणात अंमली पदार्थांची विल्हेवाट लावत असल्याचे दर्शवते. मनोज जोशी यांनी साकारलेल्या या व्यक्तिरेखेला ड्रग्जच्या पाकिटाचा वास येत असून त्यात म्हटलं आहे की, “कडक माल है”.

View this post on Instagram

A post shared by Assam Police (@assampolice)

वॉर ऑन ड्रग्ज #WarOnDrugs

आसाम पोलिसांनी लिहिले आहे की, गांजा हेरॉईन हे सर्व जाळून टाकण्यात आलेलं आहे. आजूबाजूच्या सर्व कचरा सेठसाठी एक बातमी आहे, आम्ही राज्यभरात अंमली पदार्थांच्या तस्करीविरोधात आमची मोहीम सुरू ठेवू. पोलिसांनी वॉर ऑन ड्रग्ज हा हॅशटॅग वापरला.

सोशल मीडियावर व्हायरल

आसाम पोलिसांची ही पोस्ट सोशल मीडियावर व्हायरल होत आहे. पोलिसांचा हा क्रिएटिव्ह आणि माहितीपर मेसेज लोकांना पसंत पडत आहे. एका युझरने म्हटलं, ड्रग्ज माफियांवर राग व्यक्त करण्याची काय नवी पद्धत आहे. आसाममधील अंमली पदार्थांच्या धोक्याविरूद्धच्या युद्धात अथक प्रयत्न केल्याबद्दल आपल्या संपूर्ण टीमचे अभिनंदन. आणखी एका युझरने लिहिले, “जो कोणी पेज हाताळत आहे – तुमच्यासाठी लाईक.