फक्त एक छोटासा पक्षी सगळ्यांवर भारी! व्हिडीओ बघाच

मुंबई: सोशल मीडियावर सर्व प्रकारचे व्हिडिओ पाहायला मिळतात. मग तो मजेशीर व्हिडिओ असो किंवा इमोशनल व्हिडिओ किंवा असा कोणताही व्हिडिओ जो पाहून लोक आश्चर्यचकित होतात. फेसबुक, इन्स्टाग्राम आणि ट्विटर सारख्या सर्व सोशल मीडिया प्लॅटफॉर्मवर प्राण्यांशी संबंधित व्हिडिओ देखील अनेकदा व्हायरल होत असतात आणि हे व्हिडिओ लोकांना हसवणारे आणि लोकांच्या डोळ्यात अश्रू आणणारे देखील आहेत. आजकाल असाच एक व्हिडिओ खूप व्हायरल होत आहे, जो पाहून तुम्ही थक्क व्हाल.

एका छोट्या पक्ष्याने गायींच्या कळपाची अवस्था वाईट केलीये. या छोट्याशा पक्षाने गाईंना तिथून पळून जाण्यास भाग पाडले. एवढ्या मोठ्या प्राण्याला त्याने आपल्या हुशारीने पळवून लावले. व्हिडीओ पाहून तुम्ही त्याच्या धाडसाचे कौतुक कराल. व्हिडिओमध्ये तुम्ही पाहू शकता की काही गायी शेतात उभ्या आहेत आणि त्यांच्यामध्ये एक छोटा पक्षी देखील आहे. या दरम्यान एक गाय त्या पक्ष्याला घाबरवण्याचा आणि मारण्याचा प्रयत्न करते, पण पक्षी घाबरण्याऐवजी गायींना घाबरवतो. तो इतकं धाडस दाखवतो की तो गायींना मागे हटायला भाग पाडतो आणि शेवटी त्यांना तिथून हाकलून देतो.

सोशल मीडिया प्लॅटफॉर्म ट्विटरवर @AmazingNature00 नावाच्या आयडीसह हा मजेशीर व्हिडिओ शेअर करण्यात आला असून कॅप्शनमध्ये लिहिले आहे, ‘निसर्गाने आपल्याला नेहमीच आश्चर्यचकित केले आहे’. अवघ्या 8 सेकंदाचा हा व्हिडिओ आतापर्यंत 3 लाख 24 हजारांहून अधिक वेळा पाहिला गेला आहे, तर 12 हजारांहून अधिक लोकांनी या व्हिडिओला लाइक देखील केले आहे.

त्याचबरोबर हा व्हिडिओ पाहिल्यानंतर लोकांनी विविध कमेंट्सही केल्या आहेत. एका युजरने लिहिलं की, मलाही अशा धाडसाची गरज आहे, तर दुसऱ्या युजरने लिहिलं, ‘आत्मविश्वास बघा’. त्याचप्रमाणे आणखी एका युजरने ‘हा पक्षी खूप धाडसी आहे’, असे लिहिले, तर एकाने लिहिले की ‘एका पक्ष्याने इतक्या गायींना घाबरवले हे आश्चर्यकारक आहे.”