ज्यांची नजर तीक्ष्ण त्यांनाच सुटणार कोडे! चित्रात दिसणारा हा गाढव कोणत्या खांबाला बांधलेला आहे?

बुद्धीला चालना देणाऱ्या कोड्यांचे अनेक प्रकार असतात. वयावर आधारित कोडी, नावांचे खेळ, गणिती प्रश्न आणि ऑप्टिकल भ्रम. पण त्यांचा रोमांच एकच आहे, तुमच्या निरीक्षण आणि तर्कशक्तीची कसोटी पाहणे. बुद्धीला चालना मिळावी यासाठी अनेकजण अशी कोडी शोधत असतात. कधी अनेक मांजरांमध्ये लपलेले भांडे शोधायचे असते तर कधी गिणीती कोडे असते. आता, एक नवीन कोडं अत्यंत साध्या प्रश्नासह सोशल मीडियावरील युजर्सचे लक्ष वेधून घेत आहे. हे कोडं तुम्हाला सोडवता येतय का नक्की पाहा…

काय आहे कोडं?

सोशल मीडियावर व्हायरल झालेले हे आव्हानात्मक कोडं Dreame नावाच्या फेसबूक अकाउंटवरून पोस्ट करण्यात आले होते. चित्रात एक गाढव दिसत आहे, ज्याच्या गळ्यात दोरी बांधलेली आहे. ही दोरी गुंतागुंतीच्या मार्गाने तीन लाकडी खांबांपैकी एकाशी जोडलेली आहे, ज्यावर 1, 2 आणि 3 असे क्रमांक लिहिलेले आहेत. आव्हान असे आहे की दोरी पाहून हे ओळखणे की गाढव कोणत्या खांबाला बांधले आहे. चित्रावर लिहिले आहे, “गाढव कुठे बांधले आहे?” जर तुम्ही हे कोडं सोडवलच तर नक्की कमेंट करुन सांगा…

वाचा: जर इवांका माझी मुलगी नसती तर… ट्रम्प यांनी कहरच केला, मुलीबद्दल वादगस्त विधान

नेटकऱ्यांच्या प्रतिक्रिया

या पोस्टवर आतापर्यंत 175हून अधिक कमेंट्स आले आहेत आणि युजर्सची उत्तरं विभागली गेली आहेत. काही जण आपल्या उत्तरावर ठाम आहेत, तर काहींना या डिझाइनमध्ये काही युक्ती लपलेली असल्याचा संशय आहे. एका युजरने म्हटले, “ते डोक्याला बांधले आहे आणि नंतर दोरी दुसऱ्या खांबाला जोडली आहे.” दुसऱ्याने असहमती दर्शवत लिहिले, “हे तिन्ही खांबांना बांधले आहे, दोरी तिन्ही खांबांशी जोडलेली आहे.”

तिसऱ्यानेही असेच म्हटले, “ते हार्नेसने बांधले आहे. ते तिन्ही वजनांना बांधले आहे.” काही इतरांनी या संपूर्ण व्यवस्था चुकीची असल्याचे म्हटले आहे. एकाने म्हटले, “गाढव कशालाच बांधलेले नाही,” आणि दुसऱ्याने म्हटले, “तो खरं तर तिन्ही खांबांना जोडलेला आहे.” तर, तुम्ही हे कोडं सोडवण्यात यशस्वी झालात का? की तुम्ही अजूनही दोरीच्या गुंतागुंतीच्या मार्गात तुमचे उत्तर शोधत आहात?