Video | हवामान खात्याचा अंदाज सांगत होती महिला पत्रकार, मध्येच कुत्रा आला अन् भलतंच घडलं, एकदा व्हिडीओ पाहाच
रशियातील एका महिला पत्रकारासोबत एक मजेदार किस्सा झाला आहे. लाईव्ह रिपोर्टींग करताना महिला पत्रकाराची चांगलीच फजिती उडालीये. (dog snatches mike from journalist viral video)
मॉस्को : पत्रकार जनसामान्यांच्या हिताचे रक्षण करण्यासाठी 24 तास कर्तव्यावर असतात. नेहमीच तत्पर असलेल्या पत्रकांविषयी अनेकांच्या मनात आदराचं स्थान असतं. मात्र, कधीकधी पत्रकारांसोबत घडलेले प्रसंग किंवा रिपोर्टींग करताना पत्रकाराने केलेली कृती पाहून आपल्याला चांगलंच हसू फुटतं. असाच एक मजेदार किस्सा रशियातील एका महिला पत्रकारासोबत झाला आहे. लाईव्ह रिपोर्टिंग करताना महिला पत्रकाराची चांगलीच फजिती उडालीये. या घटनेचा व्हिडीओ सध्या सोशल मीडियावर चांगला व्हायरल झाला आहे. (dog interrupt and snatches mike for women Journalist in Russia Moscow)
महिला पत्रकार हवामानाचा अंदाज सांगण्यासाठी उभी
मिळालेल्या माहितीनुसार रशियातील एका न्यूज चॅनेलमध्ये हवामानाचा अंदाज सांगितला जात होता. यावेळी मॉस्को शहरात सध्या वातावरण कसं आहे, हे सांगण्यासाठी मॉस्कोमधील स्थानिक महिला पत्रकार Nadezhda Serezhkina या लाईव्ह रिपोर्टिंग करत होत्या. रिपोर्टींगमध्ये मॉस्कोमधील हवामान नेमकं कस आहे, याबद्दल त्या सांगत होत्या.
अचानक कुत्रा आला
लाईव्ह रिपोर्टीगं सुरु असताना Nadezhda Serezhkina यांच्यासमोर लॅब्राडोर रिट्रीव्हर जातीचा एक कुत्रा आला. या कुत्र्याने महिला पत्रकाराच्या हातातील बुम माईकवर झेप घेऊन पत्रकारजवळचे माईक हिसकाऊन घेतले. बेसावध असल्यामुळे सुरुवातीला या महिला पत्रकार थोड्या गोंधळल्या. त्यानंतर आपल्याकडचे माईक कुत्र्याने हिसकाऊन घेतल्याचे समजताच या महिला पत्रकाराने कुत्र्याचा पाठलाग करणे सुरु केले.
पाहा व्हिडीओ :
THANKS FOR MENTIONING ME:
Dog Runs Away With Nadezhda Serezhkina’s Microphone https://t.co/C4IwoWqcyz
— Ali Özkök (@Ozkok_A) April 2, 2021
हा सर्व प्रकार घडत असताना न्यूज चॅनेलच्या कॅमेरामॅनने कॅमेरा सुरुच ठेवला होता. मॉस्कोमध्ये थांबलेल्या महिला पत्रकारासोबत हा प्रकार घडल्यानंतर न्यूजरुममधील अँकरने पत्रकाराशी संपर्क तुटल्याचे सांगत वेळ मारून नेली. मात्र, लाईव्ह रिपोर्टीगं होत असल्यामुळे मॉस्कोतील पत्रकाराची फजिती सर्वांनीच पाहिली. त्यानंतर हा व्हिडीओ काही क्षणांत व्यायरल झाला.
दरम्यान, वार्तांकन करताना रिपोर्टरची धांदल उडणे ही काही पहिलीच घटना नाही. या आधीसुद्धा लाईव्ह रिपोर्टींग करताना न्यूज अँकर रिपोर्टर्स अचानक समोर आलेल्या प्रसंगामुळे भांभावलेले आहेत. मात्र हा व्हिडीओ अगदीच सहज आणि नैसर्गिक असल्यामुळे नेटकऱ्यांनी या त्याला चांगलीच पसंती दिली आहे.
इतर बातम्या :
VIDEO: भर रस्त्यावर मुंगूस-नागाच्या तुंबळ लढाईचा थरार, झुंज पाहण्यासाठी रस्त्यावरची वाहतूकही थांबली
VIDEO : कराडमध्ये माथेफिरु ओव्हरहेड वायरवर चढला
(dog interrupt and snatches mike for women Journalist in Russia Moscow)
