Viral Video: काय सांगता! फ्लायओव्हरच्या पिलरवर राहतंय संपूर्ण कुटुंब, Viral Video मागील सत्य समोर

Fact Check Video Viral: अनेकदा असे व्हिडिओ समोर येतात जे पाहून डोळे विस्फारतात. अलीकडेच, सोशल मीडियावर एक व्हिडिओ वाऱ्यासारखा पसरला आहे, ज्यामध्ये एक कुटुंबाने उड्डाणपुलाच्या एका खूप उंच काँक्रीटच्या खांब्यावर आपला संसार थाटला आहे. जिना किंवा लिफ्ट नसताना, त्या ठिकाणी टीव्ही, कपडे आणि पाण्याची भांडी पाहून सर्वांना धक्का बसला आहे. काहीजण याला गरिबीचे प्रतीक म्हणत आहेत, तर काहीजण ही घटना भारतातील असल्याचे सांगत आहेत. पण या व्हिडिओमधील दावा खरोखरच खरा आहे का?

या १५-सेकंदांच्या क्लिपमध्ये, एक महिला उड्डाणपुलाच्या उंच खांबावर कपडे वाळवताना दिसत आहे, तर दोन पुरुष जवळच बसलेले आहेत. तिथे टेलिव्हिजन, पाण्याची भांडी आणि कपडे यांसारख्या रोजच्या वापरातील वस्तू ठेवलेल्या आहेत. कॅप्शनमध्ये विनोदी पद्धतीने याचे वर्णन ‘लिफ्ट नसलेला पहिल्या मजल्यावरील फ्लॅट’ असे केले आहे.

फ्लाईओवर के पिलर में बस गई पूरी गृहस्थी, वीडियो देखकर लोग हैरान! 😂

बाकी सब तो ठीक है, लेकिन सबसे बड़ा सवाल यही है कि ये परिवार ऊपर पहुंचा कैसे होगा? 😂😂😂

ना ऊपर जाने के लिए कोई सीढ़ी दिखाई दे रही है और ना ही कोई दूसरी व्यवस्था। फिर भी फ्लाईओवर के पिलर के खाली हिस्से में… pic.twitter.com/kQ4Rt3Ul0J

— Dr. Dileep Maurya (@drdileepjnu) August 24, 2026

सुरुवातीला, हा व्हिडिओ भारतातील असल्याचा दावा करून शेअर करण्यात आला होता, परंतु युजरने वाहनांच्या मॉडेल्सवर आणि उपस्थित लोकांच्या कपड्यांवर प्रश्नचिन्ह उपस्थित केले. ग्रोक (Grok) नावाच्या Ai च्या हवाल्याने असा दावा करण्यात आला होता की, हे नायजेरियातील लागोस येथील दृश्य आहे, जिथे घरांच्या टंचाईमुळे लोकांना अशा परिस्थितीत राहण्यास भाग पडले आहे. स्थानिक नायजेरियन सोशल मीडिया यूजरने अशी कोणतीही घटना घडत नसल्याचे स्पष्टीकरण दिले आणि हे पूर्णपणे बनावट असल्याचे म्हटले जात आहे.

जेव्हा व्हायरल व्हिडिओची चौकशी केली गेली, तेव्हा सत्य वेगळेच समोर आले. जेव्हा ही क्लिप एआय डिटेक्शन टूल्सद्वारे तपासली गेली, हा व्हिडिओ 97% एआय-निर्मित आहे असं समजले. त्याच वेळी, शिडी, दोरी किंवा लिफ्टशिवाय इतके जड सामान इतक्या उंचीवर नेणे व्यावहारिकदृष्ट्या अशक्य आहे. हल्ली एआयचा वापर खूपच केला जातो हे स्पष्टपणे दिसत आहे. एआयचा वापर हल्ली सर्रास केला जातो.  मूळ फोटोला बदलून एआयच्या वापराने त्याचे संपूर्ण चित्रच बदलले जाते. यामुळे आता जी गोष्ट प्रथम पाहतो तिच्यावर विश्वास ठेवून तीच खरी आहे हे समजणं आता चुकीचे ठरेल.