आई 20 वर्षांपासून एकाच ताटात जेवत होती, निधनानंतर मुलाने सांगितलं कारण!
आपल्या आई-वडिलांच्या काही सवयी आपण अनेक वर्षांपासून बघत असतो आणि बदलत्या काळानुसार त्या बदलायलाही ते तयार नसतात. याचं कारण कळल्यावर आपण भावूक होतो.
मुंबई: इंटरनेटच्या जगात दररोज काही ना काही व्हिडिओ पोस्ट व्हायरल होत असतात. पण स्क्रोल करताना अनेक गोष्टी पाहून आपण थांबतो. त्या पाहिल्यानंतर आपण अनेकदा आश्चर्यचकित होतो, तर अनेकदा या पोस्ट आणि व्हिडिओ पाहिल्यानंतर आपल्याला आपल्या हसण्यावर नियंत्रण ठेवता येत नाही. पण या व्यतिरिक्त अशा अनेक पोस्ट आणि व्हिडिओ आहेत ज्या आपल्याला भावनिक बनवतात. अशीच एक पोस्ट सध्या व्हायरल होत आहे. जे पाहिल्यानंतर तुम्ही नक्कीच भावूक व्हाल.
आपल्या आई-वडिलांच्या काही सवयी आपण अनेक वर्षांपासून बघत असतो आणि बदलत्या काळानुसार त्या बदलायलाही ते तयार नसतात. याचं कारण कळल्यावर आपण भावूक होतो. आता ही पोस्ट बघा जिथे एका मुलाने ट्विटरवर सांगितले की, त्याची आई 20 वर्षांपासून एकाच थाळीत जेवण करत आहे. यामागचं कारण कळताच तो भावूक झाला.
@vsb_dentist नावाच्या अकाऊंटने ही पोस्ट ट्विटरवर शेअर केली आहे. “ही माझ्या आईची प्लेट आहे ज्यात ती गेली 20 वर्षे खात आहे… ही एक छोटीशी प्लेट आहे… ” या ताटात फक्त मला आणि माझ्या धाकट्या बहिणीलाच जेवायची परवानगी आहे. आई गेल्यानंतर मला माझ्या बहिणीकडून समजलं हे तेच ताट आहे जे माझ्या बहिणीला बक्षीस म्हणून मिळालं होतं.”
This is Amma’s plate.. she used to eat in this for the past 2 decades.. it’s a small plate.. she allowed only myself and chulbuli (Sruthi, my niece) only to eat in this other than her.. after her demise only I came to know through my sister, that this plate was a prize won by me pic.twitter.com/pYs2vDEI3p
— Vikram S Buddhanesan (@vsb_dentist) January 19, 2023
ही मार्मिक पोस्ट 21 हजारांहून अधिक लोकांनी पाहिली असून 1400 हून अधिक लोकांनी ही पोस्ट रिट्विट केली आहे. याशिवाय लोक त्यावर कमेंट करून आपली प्रतिक्रिया देत आहेत.
