त्याला कपडे काढायला लावले, अश्लील व्हिडीओ बनवला.. नव्या ‘डॉन’ची दहशत! नेमकं काय झालं वाचा

एक हृदयद्रावक घटना समोर आली आहे. येथे एक 16 वर्षांचा मुलगा, जो आपल्या कुटुंबासह ब्रह्मपुरीत राहतो, एका रात्री तो आपल्या घराबाहेर सोफ्यावर झोपला होता. तेव्हा पहाटे 4:15 वाजता परिसरातील कुख्यात गुंड अंकुश शर्मा तिथे पोहोचला. अंकुशने मुलाची कॉलर पकडून त्याला जागं केलं आणि त्याला पाच-सहा कानशिलात लगावल्या. जवळच झोपलेला त्याचा अल्पवयीन मित्र घाबरून गप्प राहिला. त्याने अंकुशला मारहाण न करण्याची विनवणी केली, पण त्यालाही धमकावलं आणि राहुलला जबरदस्तीने दुसऱ्या गल्लीत घेऊन गेला.

गल्लीत पोहोचताच अंकुशने राहुलला कपडे काढण्याचा आदेश दिला. भीतीमुळे राहुलला नकार देण्याची हिंमत झाली नाही, कारण अंकुशने त्याला चांगलाच मारहाण करण्याची धमकी दिली होती. राहुलला नाईलाजाने कपडे काढावे लागले. एवढंच नाही, तर अंकुशने राहुलच्या मित्राला त्याच्या नग्न अवस्थेत व्हिडीओ बनवण्याचा आदेश दिला. मित्राने सुरुवातीला नकार दिला, पण अंकुशच्या धमकीपुढे त्यालाही नमावं लागलं. त्याने घाबरत-घाबरत आपल्या फोनवर व्हिडीओ बनवला. यानंतर अंकुशने राहुलला उठाबशा करण्यास सांगितलं आणि स्वतःला परिसराचा ‘डॉन’ सांगत धमकी दिली की, जर राहुलला इथे राहायचं असेल, तर त्याला त्याच्यापासून घाबरून राहावं लागेल.

वाचा: वर्षाला १० कोटी खर्च करुनही या देशाचे प्राइम मिनिस्टर हाउस खालीच, काय आहे नेमकं कारण? अनेकांचा राहण्यास नकार

आईला सांगितलं सत्य

घरी पोहोचल्यावर मुलाने रडत-रडत आपल्या आईला सर्व गोष्ट सांगितली. आईने तात्काळ पोलिसांना फोन केला. पोलिसांनी मुलाला जेपीसी रुग्णालयात नेलं, जिथे त्याची वैद्यकीय तपासणी करण्यात आली. दिल्लीतील न्यू उस्मानपुर पोलिस ठाण्यात अंकुशविरुद्ध मारहाण, अपहरण, ओलीस ठेवणे आणि पॉक्सो कायद्यांतर्गत गुन्हा दाखल करण्यात आला. पोलिसांनी तात्काळ कारवाई करत अंकुशला अटक केली. तपासात समोर आलं की, अंकुशवर यापूर्वीच खून, 2020 च्या दिल्ली दंगली, अल्पवयीन मुलीवर सामूहिक बलात्कार आणि छेडछाडीचे गुन्हे दाखल आहेत. सध्या या प्रकरणाचा तपास सुरू आहे.