Video | जगातील सर्वात महागडे अंडरवॉटर हॉटेल, समुद्राखालील जग पाहून व्हाल अचंबित
जगातील सर्वात महागड्या समुद्राखालील अंडरवॉटर हॉटेलच्या एका व्हिडिओने इंटरनेटवरील सर्वांचे लक्ष वेधून घेतले आहे. या हॉटेलचा व्हिडीओ पाहून सारे युजर्स मंत्रमुग्ध झाले आहेत. सोशल मिडीया इन्फ्लुएंसर कपल कारा आणि नॅट यांनी या समुद्राखालील हॉटेलचा व्हिडिओ इंस्टाग्रामवर शेअर केला आहे.
मुंबई | 14 मार्च 2024 : समुद्राखालील जग पाहायला आपण उत्सुक असाल तर तुमच्यासाठी ही बातमी तुमच्यासाठी महत्वाची आहे. अलिकडेच समाजमाध्यमावर एक व्हिडीओ व्हायरल होत आहे. यात समुद्राखालील रहस्यमयी सफर पाहायला मिळत आहे. जगातील सर्वात महागड्या अंडरवॉटर हॉटेलातील एका व्हिडीओ सर्वांचे लक्ष वेधले आहे. हा व्हिडीओ पाहून युजर्स मंत्रमुग्ध झाले आहेत. सोशल मिडीया इन्फ्लुएंसर दाम्पत्याने हा व्हिडीओ इंस्टाग्रामवर अपलोड केला आहे. कारा आणि नॅट या दाम्पत्याने हा व्हिडीओ समाजमाध्यमावर शेअर केला असून त्याला भरपूर लाईक्स मिळत आहेत.
व्हायरल व्हिडिओची सुरुवातीलाच समुद्राच्या आत जाणाऱ्या लिफ्टमधून होत आहे. नॅट आपल्याला हॉटेलचा रस्ता दाखवत असल्याचे आपल्याला दिसत आहे. लिफ्टमधून बाहेर पडताच, नॅट एका हॉलमध्ये प्रवेश करतो, नंतर एका आलिशान बेडरूमकडे आपल्याला तो नेतो. हा एक लक्झरी किंग साइज बेड आहे, या आलिशान बेडरुममध्ये पर्सनल बसण्याची जागा, सेन्सर-संचलित शौचालय, वॉटर-ग्लास सिलिंग आणि समुद्राच्या आतील सुंदर दृश्य तुम्हाला मोहीत करतील. समुद्राच्या खालील असलेल्या या हॉटेलला तुम्हालाही भेट द्यावी असे वाटेल. या व्हिडिओला शेअर करताना कॅप्शन दिली आहे की, ‘काय तुम्ही इथे राहाल का?’
येथे पाहा व्हिडीओ –
View this post on Instagram
इंस्टाग्रामवर या व्हिडिओला 70 दशलक्षाहून अधिक वेळा पाहिले गेले आहे आणि या व्हिडीओवर अनेक प्रतिक्रिया येत आहेत. या हॉटेलमध्ये याआधी राहीलेल्या एका प्रवाशाने लिहिले, ‘मी इथे या खोलीत राहिलो होतो, थोडा नर्व्हस होतो, पण हा एक सुंदर अनुभव होता.’ अन्य एका युजरने लिहिले, ‘कल्पना करा की जेव्हा रात्रीची वेळ असेल आणि येथे अंधार असेल, तुमच्या आजूबाजूला काय आहे हे माहीती नसता तुम्ही येथे झोपू शकता का?’ तिसऱ्या एका युजरने लिहिलेय की अंडरवॉटरची मला भीती वाटते.
समुद्रपासून 16 फूट खाली आहे
‘द मुराका’ नावाचे हे आलिशान दुमजली हॉटेल मालदीव येथील कॉनराड मालदीवच्या रंगाली आयलंड रिसॉर्टमध्ये आहे. वेबसाइट ‘द डायजेस्ट ऑनलाइन’च्या मते हे हॉटेल समुद्रपातळीपासून 16 फूट खाली आत आहे, 180-डिग्रीच्या घुमटाखाली याचे मास्टर बेडरूम आहे. या हॉटेलमध्ये 24-तास बटलर आणि शेफ, स्पा सेंटर, ऑन-कॉल फिटनेस ट्रेनर आणि वैयक्तिक जेट स्की अशा सुविधा आहेत.
