अभिनेत्रीच्या हातात कचऱ्याच्या पिशवीसारखी दिसणाऱ्या या बॅगची किंमत वाचून नेटकऱ्यांनी डोक्याला मारला हात
प्रसिद्ध चिनी अभिनेत्रीच्या हातात पिवळ्या रंगाची प्लास्टिकची बॅग पहायला होती. ही बॅग इतकी व्हायरल झाली की अनेकांनी फॅशनवरून अभिनेत्रीची खिल्ली उडवली. परंतु त्याची किंमत वाचून तुमचेही डोळे विस्फारतील.
सोशल मीडियावर सध्या एका पिवळ्या रंगाच्या प्लास्टिकच्या पिशवीची खूप चर्चा होत आहे. या फोटोमध्ये ही पिशवी जितकी साधी दिसते, तितकी ती नाहीये. प्रसिद्ध चिनी अभिनेत्री झांग जिंगयीने बीजिंग आंतरराष्ट्रीय चित्रपट महोत्सवात ही पिशवी हातात घेऊन पोहोचली होती. महोत्सवातील तिचे फोटो व्हायरल होताच सोशल मीडियावर फॅशन सेन्सविषयी जोरदार चर्चा सुरू झाली. अभिनेत्रीने हातात धरलेली ही कोणतीही साधी प्लास्टिकची पिशवी नसून प्रसिद्ध फॅशन ब्रँड बॅलेन्सियागाची सर्वांत महागडी ट्रॅश बॅग असल्याचं अनेकांनी म्हटलंय. या बॅगची किंमत वाचून तुम्ही मात्र डोक्याला हात मारून घ्याल. कारण जी प्लास्टिकची पिशवी आपल्याकडे दुकानातून एखादं सामान आणायला किंवा कचऱ्यासाठी वापरली जाते, तशाच डिझाइनमध्ये ही लक्झरी ब्रँड बनवण्यात आली आहे.
या बॅलेन्सियागाच्या बॅगची किंमत अंदाज 1790 डॉलर म्हणजेच सुमारे दीड लाख रुपये असल्याचं म्हटलं जात आहे. सोशल मीडियावर काही नेटकऱ्यांनी या बॅगची खिल्ली उडवली आहे, तर काहींनी त्याला नवीन फॅशन ट्रेंड असंही म्हटलंय. ‘फॅशन इंडस्ट्री अनेक वर्षांपासून स्वस्त वस्तू जास्तीत जास्त किंमतीत विकत आहे’, असं एकाने म्हटलंय. तर ‘पैसे कमावण्याचे अनेक मार्ग आहेत आणि हा त्यापैकीच एक आहे’, असं दुसऱ्या युजरने लिहिलं आहे. सोशल मीडियावर झालेल्या चर्चांनंतर अखेर झांग जिंगयीने स्वत:च त्याविषयी खुलासा केला. तिने सांगितलं ही बॅग कोणत्याही फॅशन ब्रँडची नसून तिच्या ‘द वन’ या चित्रपटातील तो एक प्रॉप होता. चित्रपटात त्या बॅगला एक विशेष महत्त्व आहे.
#ZhangJingyi: Hello everyone, i’m Zhang Jingyi. In #TheOne (#独一无二), i act as the daughter, Yu Yan ☺️
*host asked about the plastic bag*
👸🏻: this plastic bag… it’s a secret in the movie! this secret will only be known if you go to the cinema to see it ~ 🤭 pic.twitter.com/MhoQ3prM1r
— all for 仪 🩷 (@19990710z) April 18, 2025
याआधी मोठमोठ्या फॅशन ब्रँड्सने इथून-तिथून डिझाइन्सची कॉपी करून ब्रँडच्या नावाखाली ते मोठ्या किंमतीला विकले आहेत. महाराष्ट्रातील कोल्हापुरी चप्पलच्या बाबतीतही असाच प्रकार पहायला मिळाला. ‘प्राडा’ने या कोल्हापुरी चपलांची डिझाइन कॉपी केली होती आणि त्यावर मोठा प्राइज टॅग लावला होता. लक्झरी ब्रँड्सने असा प्रकार करण्याची ही काही पहिलीच वेळ नाही. यावरून अनेकदा मोठमोठ्या ब्रँड्सवर नेटकऱ्यांनी टीका केली होती.
